മലപ്പുറം മഞ്ചേരിയില്‍ നിക്കാഹ് കഴിഞ്ഞ വിദ്യാര്‍ഥിനിയെ തൂങ്ങിമരിച്ച നിലയില്‍ കണ്ടെത്തി. 18 വയസ്സുള്ള ഷേര്‍ഷ സിനിവറിന്റെ മകള്‍ ഷൈമ സിനിവര്‍ ആണ് മരിച്ചത്. പെണ്‍കുട്ടി ജീവനൊടുക്കിയ ഉടന്‍ തന്നെ അയല്‍വാസിയായ 19കാരനും കൈ ഞരമ്പ് മുറിച്ച് ജീവനൊടുക്കാന്‍ ശ്രമിച്ചു. ഇരുവരും തമ്മില്‍ പ്രണയത്തിലായിരുന്നുവെന്നാണ് ലഭിക്കുന്ന പ്രാഥമിക വിവരം. കഴിഞ്ഞ വെള്ളിയാഴ്ച്ചയായിരുന്നു ഷൈമയുടെ നിക്കാഹ്.
ആണ്‍സുഹൃത്തായ 19കാരനെ വിവാഹം കഴിക്കാനായിരുന്നു പെണ്‍കുട്ടിക്ക് ആഗ്രഹം. വിവാഹത്തിന് താല്പര്യമില്ലാത്തതാണ് പെണ്‍കുട്ടി ജീവനൊടുക്കാന്‍ കാരണമെന്നും പൊലീസ് പറഞ്ഞു. ഷൈമയുടെ മൃതദേഹം മഞ്ചേരി ഗവ.മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി. ജീവനൊടുക്കാന്‍ ശ്രമിച്ച യുവാവും മഞ്ചേരി മെഡിക്കല്‍ കോളേജില്‍ ചികിത്സയിലാണ്
