തിരുവനന്തപുരം: അമ്ബൂരിയില്‍ കെണിയില്‍നിന്ന് രക്ഷപ്പെട്ട പുലിയെ മയക്കുവെടിവെച്ച്‌ പിടികൂടി. പന്നിക്കുവെച്ച കെണിയില്‍ കുടുങ്ങിയ പുലി മയക്കുവെടിവെക്കുന്നിതിനിടയില്‍ രക്ഷപ്പെടുകയായിരുന്നു.പിന്നാലെ വനംവകുപ്പ് അധികൃതർ നടത്തിയ പരിശോധനയില്‍ പുലിയെ കണ്ടെത്തി മയക്കുവെടിവെക്കുകയായിരുന്നു.
അമ്ബൂരി ചാക്കപ്പാറ കള്ളിമൂടിലാണ് വെള്ളിയാഴ്ച രാവിലെ പുലി കെണിയില്‍ കുടുങ്ങിയത്. കാരിക്കുഴി സെറ്റില്‍മെന്റില്‍ പന്നിയെ പിടികൂടുന്നതിനായി ഇട്ടിരുന്ന വലയിലാണ് പുലി കുടുങ്ങിയത്. ഫോറസ്റ്റ് ഉദ്യോഗസ്ഥർ സ്ഥലത്തെത്തി മയക്കുവെടിവെക്കാൻ ഒരുക്കങ്ങള്‍ പൂർത്തിയാക്കിയപ്പോഴേക്കും പുലി രക്ഷപ്പെട്ടു.
ആദ്യ റൗണ്ട് മയക്കുവെടിവെച്ചതിന് പിന്നാലെ പുലി വസ്തു ഉടമ സുരേഷിനെ ആക്രമിച്ചു. തുടർന്ന് രണ്ടാമത്തെ മയക്കുവെടിവെച്ചപ്പോള്‍ പുലി വല പൊട്ടിച്ച്‌ രക്ഷപ്പെടുകയായിരുന്നു. പരിക്കേറ്റ സുരേഷിനെ ആശുപത്രിയില്‍ പ്രവേശിപ്പിച്ചു.
