നടിയെ ആക്രമിച്ച കേസില് എറണാകുളം പ്രിന്സിപ്പല് സെഷന്സ് കോടതി നാളെ വിധി പറയും. നടന് ദീലീപ് എട്ടാം പ്രതിയായ കേസില് രാവിലെ പതിനൊന്നിനാണ് നടപടികള് തുടങ്ങുക.
നടിയെ ഉപദ്രവിച്ച് ദൃശ്യങ്ങള് പകര്ത്തിയ പള്സര് സുനിയാണ് കേസില് ഒന്നാം പ്രതി. കൃത്യത്തില് നേരിട്ട് പങ്കെടുത്ത ആറു പ്രതികളടക്കം പത്തുപേരാണ് വിചാരണ നേരിട്ടത്. ആക്രമിക്കപ്പെട്ട നടിയോടുളള വ്യക്തി വിരോധത്തെത്തുടര്ന്ന് ബലാത്സംഗത്തിന് ക്വട്ടേഷന് കൊടുത്തു എന്നാണ് ദിലീപിന് എതിരായ കേസ്. എന്നാല് തന്നെ കേസില് പെടുത്തിയാണെന്നും പ്രോസിക്യുഷന് കെട്ടിച്ചമച്ച തെളിവുകളാണ് കോടതിയില് എത്തിയതെന്നുമാണ് ദിലീപിന്റെ വാദം.
