ഡയറ്റ് ചെയ്യുന്നവരാണോ നിങ്ങള്‍. എങ്കില്‍ ഉറപ്പായും ട്രൈ ചെയ്ത് നോക്കാവുന്ന ഡിഷ് ആണ് ബ്രോക്ക്ലി വിത്ത് മഷ്‌റൂം. എങ്ങനെ തയാറാക്കാമെന്ന് നോക്കാം.
ബ്രോക്ക്ലി വിത്ത് മഷ്‌റൂം
1.ബ്രോക്ക്ലി, പൂക്കളായി അടര്‍ത്തിയത് – രണ്ടു കപ്പ്
2.എണ്ണ – പാകത്തിന്
3.വെളുത്തുള്ളി അരിഞ്ഞത് – മൂന്നു വലിയ സ്പൂണ്‍
4.വറ്റല്‍മുളക് ചതച്ചത് – ഒരു ചെറിയ സ്പൂണ്‍
5.കൂണ്‍ – രണ്ടു കപ്പ്
6.ഉപ്പ് – പാകത്തിന്
പാകം ചെയ്യുന്ന വിധം
-ഒരു പാനില്‍ ഉപ്പു ചേര്‍ത്ത വെള്ളം തിളപ്പിച്ച്, അതില്‍ ബ്രോക്ക്ലി ഇടുക. ഏതാനും നിമിഷത്തിനു ശേഷം ഊറ്റി തണുത്ത വെള്ളത്തിലിടുക.
-ഒരു പാനില്‍ എണ്ണ ചൂടാക്കി വെളുത്തുള്ളി വഴറ്റുക. ബ്രൗണ്‍ നിറമായിത്തുടങ്ങുമ്പോള്‍ വറ്റല്‍മുളകു ചതച്ചതു ചേര്‍ത്തിളക്കുക.
-ഉടന്‍ തന്നെ, ബ്രോക്ക്ലിയും കൂണും ചേര്‍ത്തു വഴറ്റി വെള്ളം വലിയുമ്പോള്‍ വാങ്ങി ചൂടോടെ വിളമ്പുക.
