ചിക്കൻ ഉപയോഗിച്ച് പലതരത്തിലുള്ള വിഭവങ്ങളും നമ്മൾ തയ്യാറാക്കാറുണ്ട്, എങ്കിലും കറി ആയിത്തന്നെ കഴിക്കാൻ ഇഷ്ടമുള്ളവർ ഉണ്ടാവും, അങ്ങനെയുള്ളവർക്ക് തയ്യാറാക്കി നോക്കാൻ പറ്റിയ വ്യത്യസ്തമായ ഒരു ചിക്കൻ കറിയുടെ റെസിപ്പി ആണ് ഇത്, മൺചട്ടിയിൽ ആണ് ഇത് തയ്യാറാക്കി എടുക്കുന്നത്.
ആദ്യം ചിക്കൻ മാരിനേറ്റ് ചെയ്യണം, അതിനായി ഒരു കിലോ ചിക്കൻ ഒരു മിക്സിങ് ബൗളിലേക്ക് ചേർത്ത് കൊടുക്കുക, ഇതിലേക്ക് ഒരു ടീസ്പൂൺനാരങ്ങാനീര്, ആവശ്യത്തിന് ഉപ്പ്, മഞ്ഞൾപൊടി കാൽ ടീസ്പൂൺ, കുറച്ചു കാശ്മീരി ചില്ലി പൗഡർ ,അര കപ്പ് തൈര് എന്നിവ ചേർത്ത് നന്നായി മാരിനേറ്റ് ചെയ്തു ഒരു സൈഡിലേക്ക് മാറ്റി വെക്കാം. അടുത്തതായി ഒരു ഗ്രേവി തയ്യാറാക്കണം, അതിനായി ഒരു പാനിൽ എണ്ണയൊഴിച്ച് ചൂടാക്കുക ഇതിലേക്ക് ജീരകം ചേർത്തു കൊടുത്ത് റോസ്റ്റ് ചെയ്തതിനു ശേഷം സവാള ചേർക്കാം നല്ലതുപോലെ വഴറ്റി ഗോൾഡൻ ബ്രൗൺ നിറം ആയതിനുശേഷം ഇഞ്ചി വെളുത്തുള്ളി പേസ്റ്റ് ചേർത്ത് 2 മിനിറ്റ് മിക്സ് ചെയ്ത് കൊടുക്കണം, അടുത്തതായി മസാലപ്പൊടികൾ ചേർത്ത് കൊടുക്കാം ,ഇത് നല്ലതുപോലെ മിക്സ് ചെയ്തു മസാലയിൽ നിന്നും എണ്ണ വിട്ടു വരുന്നത് വരെ കുക്ക് ചെയ്യണം,അടുത്തതായി തക്കാളിയും, ഉപ്പും, മല്ലിയിലയും ചേർത്ത് കൊടുക്കാം, വീണ്ടും നല്ലതുപോലെ മിക്സ് ചെയ്തു തിക്ക് ആക്കി എടുക്കണം, ഇത് ചൂടാറിയതിനു ശേഷം നന്നായി അരച്ച് പേസ്റ്റാക്കുക.
ഒരു മൺകലം അടുപ്പിൽവെച്ച് നെയ്യൊഴിച്ച് ചൂടാക്കിയതിനുശേഷം മസാലകൾ ചേർത്തുകൊടുക്കാം കൂടെ ഇഞ്ചി വെളുത്തുള്ളി പേസ്റ്റും, പച്ചമുളകും, സവാളയും ചേർത്ത് നന്നായി വഴറ്റി ഗോൾഡൻ ബ്രൗൺ നിറം ആക്കണം ശേഷം കാശ്മീരി ചില്ലി പൗഡർ ചേർത്ത് നന്നായി മിക്സ് ചെയ്യണം, ചിക്കൻ ചേർത്തു കൊടുത്തു ഒന്നുകൂടി മിക്സ് ചെയ്തതിനുശേഷം നേരത്തെ അരച്ചുവെച്ചിരിക്കുന്ന പേസ്റ്റ് ചേർത്തു കൊടുക്കാം, ഇത് തിളച്ചു വന്നാൽ പാത്രം മൂടി നന്നായി സീൽ ചെയ്യണം 20 മിനിട്ടിനു ശേഷം പാത്രം തുറന്ന് തീ ഓഫ് ചെയ്യാം.
