കേരള ദേവസ്വം റിക്രൂട്ട്മെന്റ് ബോർഡ് വിജ്ഞാപനം ചെയ്ത ഗുരുവായൂർ ദേവസ്വത്തിലെ ഹെല്‍പ്പർ (കാറ്റഗറി നമ്ബർ: 02/2025), വെറ്റിനറി സർജൻ (കാറ്റഗറി നമ്ബർ: 10/2025), ജൂനിയർ പബ്ലിക് ഹെല്‍ത്ത് നഴ്സ് (കാറ്റഗറി നമ്ബർ: 28/2025) തസ്തികയിലേക്കുള്ള ഒ.എം.ആർ പരീക്ഷ നവംബർ 9ന് രാവിലെ 10 മുതല്‍ 11.45 വരെ തൃശൂരിലെ വിവിധ പരീക്ഷാ കേന്ദ്രങ്ങളില്‍ നടക്കും.ഹാള്‍ ടിക്കറ്റുകള്‍ ഒക്ടോബർ 26 മുതല്‍ ഉദ്യോഗാർഥികളുടെ പ്രൊഫൈലില്‍ ലഭ്യമാകും.
ഹാള്‍ ടിക്കറ്റ് ലഭിച്ചിട്ടുള്ള ഭിന്നശേഷിക്കാരായ (40 ശതമാനത്തിന് മുകളില്‍) ഉദ്യോഗാർഥികള്‍ക്ക് സ്ക്രൈബിനെ ആവശ്യമുണ്ടെങ്കില്‍ നവംബർ 3 വൈകിട്ട് 5നകം ഇ-മെയില്‍ മുഖേനയോ (kdrbtvm@gmail.com) കേരള ദേവസ്വം റിക്രൂട്ട്മെന്റ് ബോർഡ് ഓഫീസില്‍ നേരിട്ട് എത്തിയോ അപേക്ഷ സമർപ്പിക്കണം.
തസ്തികകളിലേക്ക് സമർപ്പിച്ച അപേക്ഷാഫോം, പരീക്ഷയുടെ ഹാള്‍ ടിക്കറ്റ്, മെഡിക്കല്‍ ബോർഡ് നല്‍കുന്ന നിശ്ചിത മാതൃകയിലുള്ള ഡിസെബിലിറ്റി സർട്ടിഫിക്കറ്റ്, ബന്ധപ്പെട്ട സ്പെഷ്യാലിറ്റിയിലെ ഡോക്ടർമാർ നല്‍കുന്ന ' എഴുതാൻ ബുദ്ധിമുട്ട് ' എന്ന് കാണിച്ചുകൊണ്ടുള്ള സർട്ടിഫിക്കറ്റ് (Appendix I) എന്നിവ സഹിതം അപേക്ഷ സമർപ്പിക്കുന്ന ഭിന്നശേഷിക്കാരായ ഉദ്യോഗാർഥികളുടെ അപേക്ഷകള്‍ മാത്രമേ പരിഗണിക്കൂ. കൂടുതല്‍വിവരങ്ങള്‍ക്ക്: www.kdrb.kerala.gov.in.
