കണ്ണിന് ചുറ്റുമുള്ള കറുപ്പ് മാറാന്‍ ചില വഴികള്‍
കൃത്യമായ ഉറക്കം കണ്ണിന് ചുറ്റുമുള്ള കറുപ്പ് കുറയ്ക്കാന്‍ അത്യാവശ്യമാണ്. ദിവസവും 7-8 മണിക്കൂര്‍ ഉറങ്ങാന്‍ ശ്രമിക്കുക.
ശരീരത്തില്‍ ജലാംശം നിലനിര്‍ത്തുന്നത് ചര്‍മത്തിന്റെ ആരോഗ്യത്തിന് വളരെ പ്രധാനമാണ്. നിര്‍ജ്ജലീകരണം കണ്ണിന് ചുറ്റുമുള്ള ചര്‍മ്മം കൂടുതല്‍ മങ്ങിയതായും കറുത്തതായും തോന്നിക്കാന്‍ ഇടയാക്കും.
തണുത്ത വെള്ളത്തില്‍ ഒരു തുണി മുക്കി കണ്ണിന് മുകളില്‍ വെക്കുക.
ഫ്രിഡ്ജില്‍ വെച്ച് തണുപ്പിച്ച വെള്ളരി കഷണങ്ങള്‍ കണ്ണിന് മുകളില്‍ 15-20 മിനിറ്റ് വെക്കുന്നത് കണ്ണിന് കുളിര്‍മ നല്‍കാനും കറുപ്പ് കുറയ്ക്കാനും സഹായിക്കും.
ഉരുളക്കിഴങ്ങില്‍ ബ്ലീച്ചിംഗ് ഗുണങ്ങളുണ്ട്. തണുപ്പിച്ച ഉരുളക്കിഴങ്ങ് കഷണങ്ങള്‍ കണ്ണിന് മുകളില്‍ വെക്കുന്നത് കറുപ്പ് കുറയ്ക്കാന്‍ നല്ലതാണ്.
ഉപയോഗിച്ച ഗ്രീന്‍ ടീ ബാഗുകള്‍ ഫ്രിഡ്ജില്‍ വെച്ച് തണുപ്പിച്ച ശേഷം കണ്ണിന് മുകളില്‍ വെക്കുന്നത് വീക്കം കുറയ്ക്കാനും കറുപ്പ് മാറ്റാനും സഹായിക്കും. ടീ ബാഗുകളിലെ ആന്റിഓക്‌സിഡന്റുകള്‍ ചര്‍മ്മത്തിന് നല്ലതാണ്.
വിറ്റാമിന്‍ കെ, വിറ്റാമിന്‍ സി, വിറ്റാമിന്‍ എ, വിറ്റാമിന്‍ ഇ എന്നിവ അടങ്ങിയ ഭക്ഷണങ്ങള്‍ കഴിക്കുക. ഇലക്കറികള്‍, സിട്രസ് പഴങ്ങള്‍, കാരറ്റ്, ബദാം, മത്തങ്ങ എന്നിവ നല്ലതാണ്.
ഉപ്പ് കുറയ്ക്കുക, കാരണം അമിതമായി ഉപ്പ് കഴിക്കുന്നത് കണ്ണിന് താഴെ വീക്കമുണ്ടാക്കാനും ഇടയാക്കും.
പുറത്ത് പോകുമ്പോള്‍ സണ്‍സ്‌ക്രീന്‍ ഉപയോഗിക്കുകയും സണ്‍ഗ്ലാസ് വെക്കുകയും ചെയ്യുന്നത് സൂര്യപ്രകാശം ഏല്‍ക്കുന്നത് മൂലമുണ്ടാകുന്ന കറുപ്പ് തടയാന്‍ സഹായിക്കും.
കൂടുതല്‍ നേരം കമ്പ്യൂട്ടറിലോ മൊബൈലിലോ നോക്കുന്നത് കണ്ണിന് ആയാസം നല്‍കും. ഇടയ്ക്കിടെ കണ്ണിന് വിശ്രമം നല്‍കുക.
മുകളില്‍ പറഞ്ഞിരിക്കുന്ന ഇത്തരം ടിപ്‌സുകള്‍ സ്ഥിരമായി പിന്തുടരുകയാണെങ്കില്‍ കണ്ണിന് ചുറ്റുമുള്ള കറുപ്പ് കുറയ്ക്കാന്‍ സാധിക്കും. എന്നിരുന്നാലും, കറുപ്പ് മാറാതെ തുടരുകയാണെങ്കില്‍ ഒരു ഡോക്ടറെ സമീപിക്കുന്നത് നല്ലതാണ്.
