എളുപ്പത്തിൽ അവിയൽ ഉണ്ടാക്കിയാലോ ?

അവശ്യ ചേരുവകൾ

കാരറ്റ് -1
കായ -1
ചേന -ചെറിയ കഷ്ണം
ബീൻസ് -10 എണ്ണം
മുരിങ്ങ -1
ഉരുളകിഴങ്ങ് -1 ചെറുത്‌
കുഞ്ഞുള്ളി -10 എണ്ണം
കറിവേപ്പില
ഉപ്പ് – ആവശ്യത്തിന്
മഞ്ഞൾ പൊടി – 1/2 ടീസ്പൂൺ
തേങ്ങാ – അരമുറി ചിരകിയത്
പച്ചമുളക് – 3എണ്ണം
ജീരകം – 1/2 ടീസ്പൂൺ

തയാറാക്കുന്ന വിധം

പച്ചക്കറികളെല്ലാം കഴുകി വൃത്തിയാക്കി നീളത്തിൽ മുറിച്ച് വക്കുക. കനം അധികം കുറക്കണ്ട. കുക്കറിൽ ആയതുകൊണ്ട് വെന്തു ഉടഞ്ഞു പോകും. ഇവയെല്ലാം കുക്കറിലേക്കിട്ട് 1/2 കപ്പ്‌ വെള്ളം ചേർത്ത് കുക്കറിൽ 1 വിസിൽ വരുന്നത് വരെ വയ്ക്കുക. അരമുറി തേങ്ങയും പച്ചമുളകും ജീരകവും കുഞ്ഞുള്ളിയും ചേർത്ത് മിക്സിയിൽ അരച്ചെടുക്കുക. അടിച്ചെടുത്ത തേങ്ങ വേവിച്ച പച്ചക്കറിയിലേക്ക് ചേർക്കുക. ഇത് നന്നായി തിളച്ചു വരുമ്പോൾ ഇതിലേക്ക് തൈര് ചേർക്കുക. (തൈര് കട്ടയില്ലാതെ ഇളക്കി യോജിപ്പിച്ചു വക്കുക. തൈര് ന്റെ പുളി അനുസരിച്ചു 1/2 – 3/4 കപ്പ് ). തൈര് ചേർത്ത് 2 മിനിറ്റ് കഴിയുമ്പോൾ തീ ഓഫ്‌ ചെയ്തതിനു ശേഷം കുറച്ചു കറിവേപ്പിലയും വെളിച്ചെണ്ണയും ചേർത്ത് 2 മിനിറ്റ് മൂടി വക്കുക.