കുവൈത്തിലെ ജലീബ് അല്‍ ഷുവൈഖിലുള്ള റസിഡന്‍ഷ്യല്‍ അപ്പാര്‍ട്ട്മെന്റിന് തീപിടിച്ചു. ചൊവ്വാഴ്ച രാവിലെയാണ് തീപിടുത്തമുണ്ടായത്. തീപിടിത്തത്തെ തുടര്‍ന്നുള്ള കനത്ത പുക ശ്വസിച്ച് രണ്ട് പേര്‍ക്ക് ശാരീരിക ബുദ്ധിമുട്ടുകള്‍ അനുഭവപ്പെട്ടതായും ഇവര്‍ക്ക് ഉടന്‍ തന്നെ വൈദ്യ സഹായം എത്തിച്ചതായും അധികൃതര്‍ അറിയിച്ചു. അല്‍ സുമൂദ്, അല്‍ അര്‍ദിയ സ്റ്റേഷനുകളില്‍ നിന്നുള്ള അഗ്‌നിശമന സേനാംഗങ്ങള്‍ എത്തിയാണ് രക്ഷാപ്രവര്‍ത്തനം നടത്തിയത്.
തീ കൂടുതല്‍ ഭാഗങ്ങളിലേക്ക് വ്യാപിക്കുന്നതിന് മുന്‍പ് നിയന്ത്രണ വിധേയമാക്കുകയും ചെയ്തു. തീ പിടുത്ത കാരണം വ്യക്തമല്ല. സംഭവത്തില്‍ അന്വേഷണം ആരംഭിച്ചു.
