നിലമ്പൂരിലേത് ശക്തമായ മത്സരമാണെന്നും ജനങ്ങള്‍ തനിക്കൊപ്പം നില്‍ക്കുമെന്നും തൃണമൂല്‍ കോണ്‍ഗ്രസ് നേതാവ് പിവി അന്‍വര്‍. അന്‍വറിന്റെ കരുത്ത് ജനങ്ങളാണ്. ഇരു മുന്നണികളെയും പരാജയപ്പെടുത്തും. ഭൂരിപക്ഷം പ്രവചിക്കാന്‍ ഇല്ലെന്നും അന്‍വര്‍ പറഞ്ഞു.
തന്റെ മത്സരം ആരെയാണ് ബാധിക്കുക എന്ന് പറയാനാകില്ല. മത്സരം ജനങ്ങള്‍ക്ക് ഗുണം ചെയ്യും. പിണറായിയും വിഡി സതീശനും, ഒരുഭാഗത്തും ജനങ്ങള്‍ ഒരു ഭാഗത്തും നില്‍ക്കുന്ന തെരഞ്ഞെടുപ്പാണിത്. ഇരുമുന്നണിയിലെയും വോട്ടര്‍മാര്‍ തനിക്ക് ഒപ്പം നില്‍ക്കും. ജനം വഞ്ചകരെ തോല്‍പ്പിക്കുമെന്നും പറഞ്ഞ അന്‍വര്‍ മുഖ്യമന്ത്രിക്ക് മറുപടി ഇന്ന് നല്‍കുമെന്നും വ്യക്തമാക്കി. വഞ്ചകന്‍ എന്ന വിളിക്ക് കൃത്യമായ മറുപടി നല്‍കുമെന്നും അന്‍വര്‍ പറഞ്ഞു.
Trending :