ഡൽഹി: ഓപ്പറേഷൻ സിന്ദൂറിനെ പ്രശംസിച്ച് ഇസ്രയേൽ സൈനിക മേധാവി മേജർ ജനറൽ ആമിർ ബറം. തീവ്രവാദത്തിനെതിരെ ഇന്ത്യയുടെ നീതിപരമായ നടപടികൾക്ക് ഇസ്രയേൽ പൂർണ പിന്തുണ പ്രഖ്യാപിച്ചു. ഇന്ത്യൻ പ്രതിരോധ സെക്രട്ടറി രാജേഷ് കുമാർ സിങ്ങുമായി നടത്തിയ ഫോൺ സംഭാഷണത്തിലാണ് ഇസ്രയേൽ സൈനിക മേധാവി തങ്ങളുടെ നിലപാട് അറിയിച്ചത്.
ഇരു രാജ്യങ്ങളും തമ്മിൽ പ്രതിരോധ രംഗത്തെ സഹകരണം ശക്തമാക്കാനും ധാരണയായി. ഇന്ത്യൻ പ്രതിരോധ മന്ത്രാലയം എക്‌സ് പോസ്റ്റിലൂടെയാണ് ഈ വിവരം പുറത്തുവിട്ടത്. സ്വയം പ്രതിരോധിക്കാനുള്ള ഇന്ത്യയുടെ അവകാശത്തിനൊപ്പം നിലകൊള്ളുന്നുവെന്ന് ഇന്ത്യയിലെ ഇസ്രയേൽ അംബാസഡർ റിയുവൈൻ അസർ മേയ് ഏഴിന് എക്‌സ് പോസ്റ്റിലൂടെ അറിയിച്ചിരുന്നു.
