കണ്ണൂർ :നാശമുക്ത് ഭാരത് അഭിയാൻ പദ്ധതിയുടെ ഭാഗമായി ജില്ലാ ഭരണകൂടവും ജില്ലാ സാമൂഹ്യനീതി വകുപ്പും സംഘടിപ്പിക്കുന്ന ലഹരി മുക്ത കണ്ണൂർ ക്യാമ്പയിന്റെ ഭാഗമായി കമ്മ്യൂണിറ്റി വുമൺ ഫെസിലിറ്റേറ്റർമാർ, ജെന്റർ കമ്മ്യൂണിറ്റി കൗൺസിലർമാർ, ബാലസഭ പരിശീലകർ എന്നിവർക്കുള്ള ജില്ലാതല പരിശീലന പരിപാടി സംഘടിപ്പിച്ചു ജില്ലാ പഞ്ചായത്ത് വീഡിയോ കോൺഫറൻസ് ഹാളിൽ സാമൂഹ്യനീതി ഡയറക്ടർ ഡോ അരുൺ എസ് നായർ ഉദ്ഘാടനം ചെയ്തു.
അസിസ്റ്റന്റ് കലക്ടർ എഹ്തദെ മുഫസിർ അധ്യക്ഷത വഹിച്ചു "ലഹരി ഉപയോഗവും മാനസീകാരോഗ്യവും "എന്ന വിഷയത്തിൽ മെന്റൽ ഹെൽത് പ്രോഗ്രാം ജില്ലാ നോഡൽ ഓഫീസർ ഡോ വീണ ഹർഷൻ, ലഹരി ഉപയോഗം നേരത്തെയുള്ള തിരിച്ചറിയലും ശാസ്ത്രീയ ഇടപെടലും എന്ന വിഷയത്തിൽ ജില്ലാ മെന്റൽ ഹെൽത് പ്രോഗ്രാം സൈക്യാട്രിക് സോഷ്യൽ വർക്കർ കെ വി നിഖിത വിനോദ്," മയക്കു മരുന്നിനെതിരെയുള്ള നിയമങ്ങളും ശിക്ഷയും" എന്ന വിഷയത്തിൽ മാനേജർ,സർക്കിൾ ഇൻസ്പെക്ടർ ഓഫ് എക്സൈസ് കണ്ണൂർ സലിം കുമാർ ദാസ് എന്നിവരും ക്ലാസെടുത്തു. തദ്ദേശസ്വയംഭരണ സ്ഥാപനതലത്തിൽ ലഹരി ഉപയോഗം തടയാനുള്ള കർമ്മപരിപാടികൾ എന്നെ വിഷയത്തിൽ ചർച്ചയും സംഘടിപ്പിച്ചു.
ചടങ്ങിൽ തദ്ദേശസ്വയംഭരണ വകുപ്പ് ജോയിന്റ് ഡയറക്ടർ ടി ജെ അരുൺ, കുടുംബശ്രീ ജില്ലാമിഷൻ അസിസ്റ്റന്റ് കോർഡിനേറ്റർ കെ വിജിത്,കമ്മ്യൂണിറ്റി വുമൺ ഫെസിലിറ്റേറ്റർ ജില്ലാ കോർഡിനേറ്റർ ശ്രീജിന,മാനേജർ ജെൻഡർ കമ്മ്യൂണിറ്റി കൗൺസിലർ കെസി നീതു, ബാലസഭ മാനേജർ പി വിനീഷ്,നശാമുക്ത് ഭാരത് അഭിയാൻ ജില്ലാ കോർഡിനേറ്റർ കെ ബേബി ജോൺ എന്നിവർ സംസാരിച്ചു ജില്ലാ സാമൂഹ്യനീതി ഓഫീസർ പി ബിജു സ്വാഗതവും ജില്ലാ സാമൂഹ്യനീതി ഓഫീസ് സീനിയർ സൂപ്രണ്ട്, നശാമുക്ത് ഭാരത് അഭിയാൻ ജില്ലാ നോഡൽ ഓഫീസർ പി കെ നാസർ നന്ദിയും പറഞ്ഞു.
