പരിയാരം ശ്രീസ്ഥയിൽ രണ്ട് മക്കളുമായി അമ്മ കിണറിൽ ചാടിയ സംഭവത്തിൽ ചികിത്സയിലായിരുന്ന ആൺകുട്ടി മരണമടഞ്ഞു

തളിപ്പറമ്പ്: പരിയാരം ശ്രീസ്ഥയിൽരണ്ട് മക്കളുമായി കിണറിൽ ചാടി യുവതി ജീവനൊടുക്കാൻ ശ്രമിച്ച സംഭവത്തിൽ ചികിത്സയിലായിരുന്ന ആൺ കുട്ടി മരിച്ചു.ധനേഷ്-ധനജ ദമ്പതികളുടെ മകൻ ധ്യാൻ കൃഷ്ണ(6) യാണ് മരിച്ചത്.ഇന്ന് പുലർച്ചെ പരിയാരത്തെ കണ്ണൂർ ഗവ.മെഡിക്കൽ കോളേജിലായിരുന്നു അന്ത്യം.

കഴിഞ്ഞജൂലായ്-25 ന് ഉച്ചക്ക് 12 മണിയോടെയാണ് സംഭവം നടന്നത്.അമ്മ ധനജ രണ്ട് മക്കളുമായി കിണറിലേക്ക് ചാടുകയായിരുന്നു.മറ്റൊരു പെൺകുട്ടി മെഡിക്കൽകോളേജിൽ ചികിത്സയിലാണ്.സംഭവത്തിൽ  ഭർതൃമാതാവ് ശ്യാമളയുടെ പേരിൽ പരിയാരം പൊലീസ് കേസെടുത്തിരുന്നു.മകന്റെ ഭാര്യയെന്ന പരിഗണന കൊടുക്കാതെ ഭർത്താവിനോടൊത്ത് സുഖിച്ചു ജീവിക്കാൻവിടില്ലെന്ന് ഭീഷണിപ്പെടുത്തി മാനസിക-ശാരീരിക പീഡനങ്ങൾ നടത്തിയതിനാണ് ഭർതൃമാതാവിനെതിരെ കേസെടുത്തത്