കാടാച്ചിറ : മമ്മാക്കുന്ന് ഇന്ദിരാ ഭവൻ നടത്തിക്കൊണ്ടിരിക്കുന്ന ജീവകാരുണ്യ പ്രവർത്തനങ്ങൾക്ക് കരുത്ത്പകരാൻ വേണ്ടി തട്ടാന്റെ വളപ്പിൽ പി ആർ രോഹിണി അമ്മയുടെ സ്മരണാർത്ഥം ഭർത്താവും, മക്കളും ചേർന്ന് കിടപ്പു രോഗികൾക്ക് ഉപയോഗിക്കാൻ ഉപകരിക്കുന്ന കട്ടിൽ ഇന്ദിരാഭവനു വേണ്ടി കുടുംബാംഗങ്ങളിൽ നിന്നും, എ ഐ സി സി മെമ്പർ വി. എ നാരായണൻ ഏറ്റുവാങ്ങി .
തുടർന്ന് ഇന്ദിര ഭവനിൽ വെച്ച് കേരളത്തിലെ വിവിധ കോളേജുകളിൽ കെ എസ് യു ന്റെ സംഘടനാ പ്രവർത്തനം നടത്തുന്ന വിദ്യാർഥികളെ അനുമോദിച്ചു. അനുമോദന ചടങ്ങ് വി എ നാരായണൻ ഉദ്ഘാടനം ചെയ്തു ഗീതെഷ് അധ്യക്ഷത വഹിച്ചു രാജേന്ദ്രൻ പുതുക്കുടി , വിജയൻ പി കെ , സഗേഷ് കുമാർ, പ്രകാശൻ മമ്മാക്കുന്ന്, രമേശൻ അരാൽ, പ്രകാശൻ പി ആർ, അഭിലാഷ് തുടങ്ങിയവർ സംസാരിച്ചു
