കോഴിക്കോട്: കോഴിക്കോട് വടകര വള്ളിക്കുന്നിൽ കാർ ഇടിച്ച് ഗുരുതരമായി പരിക്കേറ്റ യുവാവ് മരിച്ചു. വള്ളിക്കുന്ന് സ്വദേശി മുട്ടുങ്ങൽ അമൽ കൃഷ്ണ (27) ആണ് മരിച്ചത്. ഇടിച്ചിട്ട ശേഷം നിർത്താതെ പോയ കാർ കണ്ടെത്താൻ ഇതുവരെ കഴിഞ്ഞിട്ടില്ല.
നാദാപുരത്ത് നിന്നും വടകര ഭാഗത്തേക്ക് സഞ്ചരിച്ചിരുന്ന കാറാണ് ഇക്കഴിഞ്ഞ വ്യാഴാഴ്ച വള്ളിക്കാട് പൊലീസ് എയ്ഡ് പോസ്റ്റിന് സമീപം വെച്ച് വീട്ടിലേക്ക് നടന്ന് പോവുകയായിരുന്ന യുവാവിനെ ഇടിച്ചിട്ട ശേഷം നിർത്താതെ പോയത്. കാർ കണ്ടെത്താൻ സിസിടിവികൾ കേന്ദ്രീകരിച്ച് അന്വേഷണം തുടരുകയാണ്.
