കണ്ണൂർ : കണ്ണൂർ താഴെ ചൊവ്വയിൽ ബൈക്കിൽ തട്ടികൊണ്ടു വന്ന് 15 കാരിക്ക് നിർബന്ധിച്ച്മദ്യം നൽകിയ ശേഷം കൂട്ട ബലാത്സംഗത്തിനിരയാക്കിയ 10 യുവാക്കൾക്കെതിരെ പോക്സോ നിയമപ്രകാരം കണ്ണൂർ ടൗൺ പോലീസ് കേസെടുത്തു. എടക്കാട്സ്റ്റേഷൻ പരിധിയിൽ താമസിക്കുന്ന 15 വയസു കാരിയുടെ പരാതിയിലാണ് കേസ്.വീട്ടിൽ നിന്നും കഴിഞ്ഞ മാസം നാലിനുപെൺകുട്ടിയെ ബൈക്കിൽ തട്ടികൊണ്ടു വന്ന നാലംഗ സംഘം കണ്ണൂർ താഴെ ചൊവ്വയിലെത്തിച്ച് ലോഡ്ജ് മുറിയിൽ വെച്ച് നിർബന്ധിച്ച് മദ്യം കുടിപ്പിച്ച ശേഷം പെൺകുട്ടിയെ പീഡിപ്പിക്കുകയും പിന്നീട് സുഹൃത്തുക്കളായ ആറു പേരെ വിളിച്ചു വരുത്തുകയും അവരും പെൺകുട്ടിയെ പീഡിപ്പിക്കുകയായിരുന്നു.
ജൂലായ്അഞ്ചാം തീയതി രാവിലെ അവശനിലയിൽ നാട്ടിലെത്തിയ പെൺകുട്ടി ബന്ധുക്കളോട് വിവരം പറയുകയും പൊലീസിൽ പരാതി നൽകുകയുമായിരുന്നു.സംഭവം നടന്നത് കണ്ണൂർ ടൗൺ സ്റ്റേഷൻ പരിധിയിലായതിനാൽ പെൺകുട്ടിയുടെ മൊഴി രേഖപ്പെടുത്തിയ പൊലീസ് പോക്സോ നിയമപ്രകാരം കേസെടുത്ത് ടൗൺ സ്റ്റേഷൻ ഇൻസ്പെക്ടർ ശ്രീജിത് കൊടേരിയുടെ നേതൃത്വത്തിൽ അന്വേഷണം തുടങ്ങിയിട്ടുണ്ട്. നേരത്തെ പെൺകുട്ടി പീഡനത്തിനിരയായ വിവരം സോഷ്യൽ മീഡിയയിലൂടെ പുറത്തുവന്നിരുന്നു. എന്നാൽ പൊലിസ് അന്വേഷണത്തിൽ കൂടുതൽ വിവരങ്ങളൊന്നും പുറത്തുവന്നിരുന്നില്ല.
