മഹാരാഷ്ട്രയിൽ വോട്ടർ പട്ടികയിൽ കൃതൃമത്വം കാണിച്ചെന്ന വിവാദം ; കോൺ​ഗ്രസിനെ തള്ളി ഇലക്ഷൻ കമ്മീഷൻ

മഹാരാഷ്ട്ര തിരഞ്ഞെടുപ്പിൽ വോട്ടർ പട്ടികയിൽ കൃതൃമത്വം കാണിച്ചെന്ന കോൺ​ഗ്രസിന്റെ വാദം ഇലക്ഷൻ കമ്മീഷൻ തള്ളി. ഇലക്ഷന്റെ അന്തിമ വോട്ടർ പട്ടികയിൽ നിന്ന് വോട്ടർമാരുടെ പേര് വെട്ടി മാറ്റി പകരം ഒരോ മണ്ഡലത്തിലും 10000 പേരുടെ പേര് അനധികൃതമായി കൂട്ടിചേർത്തു എന്നായിരുന്നു കോൺ​ഗ്രസിന്റെ പരാതി. എന്നാൽ വോട്ടർ പട്ടികയിൽ കൃതൃമത്വങ്ങളൊന്നും തന്നെ നടന്നിട്ടില്ലെന്ന് ഇലക്ഷൻ കമ്മീഷണർ മാധ്യമങ്ങളോട് പറഞ്ഞു.

വോട്ടിം​ഗ് ദിവസം അഞ്ച് മണിക്ക് ശേഷം വോട്ടിം​ഗ് ശതമാനത്തിൽ വർധനവ് ഉണ്ടായതാണ് കോൺ​ഗ്രസിന്റെ ആരോപണത്തിന് കാരണം. എന്നാൽ ആ വർധനവ് സ്വാഭാവികമായിരുന്നു എന്ന് കമ്മീഷണർ മറുപടി നൽകി. പോൾ ചെയ്ത വോട്ടുകളും എണ്ണി തിട്ടപ്പെടുത്തിയ വോട്ടുകളും തമ്മിലുള്ള കണക്കിൽ കൃതൃമത്വം കാണിക്കുന്നതെങ്ങനെയെന്ന് അദ്ദേഹം ചോദിച്ചു.