സമാധാനത്തിനുള്ള നോബൽ സമ്മാനത്തിന് മസ്കിനെ നാമനിർദേശം ചെയ്തു

മനുഷ്യന്‍റെ മൗലികാവകാശമായ അഭിപ്രായ സ്വാതന്ത്ര്യത്തിനും സമാധാനത്തിനും നൽകിയ മസ്‌കിന്‍റെ സംഭാവനകൾ കണക്കിലെടുത്താണ് നാമനിർദേശം ചെയ്തതെന്ന് ഗ്രിംസ് പറഞ്ഞു. സമാധാനത്തിനുള്ള നൊബേൽ മസ്ക് അർഹിക്കുന്നുണ്ടെന്ന് ഡിസംബറിൽ ഗ്രിംസ് വ്യക്തമാക്കിയിരുന്നു. കഴിഞ്ഞ വർഷം ഫെബ്രുവരിയിൽ, നോർവീജിയൻ പാർലമെന്‍റംഗം മാരിയസ് നിൽസെനും മസ്കിനെ നാമനിർദേശം ചെയ്തിരുന്നു. ഡിസംബറിൽ ലോകത്തെ ശതകോടീശ്വരന്മാരുടെ പട്ടികയിൽ 400 ബില്യൺ അമേരിക്കൻ ഡോളർ ആസ്തിയിൽ എത്തുന്ന ആദ്യ വ്യക്തിയായി മസ്‌ക് മാറിയിരുന്നു.