കൊച്ചി:മാലിന്യക്കൂമ്ബാരത്തില്‍ നിന്നും ഉപേക്ഷിച്ച നിലയില്‍ നവജാത ശിശുവിന്റെ മൃതദേഹം കണ്ടെത്തി. പെരുമ്ബാവൂര്‍ കാഞ്ഞിരക്കാട് ആണ് സംഭവം.പെണ്‍കുഞ്ഞിന്‍റെ മൃതദേഹമാണ് കണ്ടെത്തിയത്.
തെരുവ്‌ നായ്ക്കള്‍ കൂട്ടത്തോടെ മാലിന്യം ഇളക്കിയതോടെ ദുര്‍ഗന്ധം പരക്കുകയായിരുന്നു. സംശയം തോന്നിയ പ്രദേശവാസികള്‍ പരിശോധിച്ചപ്പോഴാണ് കുഞ്ഞിന്റെ മൃതദേഹം കണ്ടത്. കൊല്‍ക്കത്ത സ്വദേശികളായ ദമ്ബതിമാരുടെ കുട്ടിയുടെ മൃതദേഹമാണെന്നാണ് പ്രാഥമിക നിഗമനം.
Trending :
ഇവർ താമസിക്കുന്ന വീട് പൂട്ടിയനിലയിലാണ്. സ്ത്രീ ഗർഭിണിയാണോയെന്ന് പരിസരവാസികള്‍ സംശയം പ്രകടിപ്പിച്ചപ്പോള്‍ ഇവർ നിഷേധിച്ചതായും റിപ്പോർട്ടുകളുണ്ട്. ഇവരെ കണ്ടെത്താനുള്ള ശ്രമത്തിലാണ് പോലീസ്.