കുക്കറിൽ നെയ്ച്ചോർ തയ്യാറാക്കാൻ ഇത്ര എളുപ്പമായിരുന്നോ ?

ചേരുവകൾ:-
അലങ്കരിക്കാൻ:-
1-ഉള്ളി -1 എണ്ണം
2-കശുവണ്ടി -2 ടേബിൾസ്പൂൺ
3-ഉണക്കമുന്തിരി -2 ടേബിൾസ്പൂൺ
4-കാരറ്റ് -1/4 കപ്പ്
5-കറിവേപ്പില -2 കണ്ട്
ചോറിന് ആവശ്യമുള്ളത്:-
 1-ജീരകശാല/കൈമ അരി -6 കപ്പ്
2-വെള്ളം -12 കപ്പ്
3-നെയ്യ് -3 ടേബിൾസ്പൂൺ+2 ടേബിൾസ്പൂൺ
4-വെളിച്ചെണ്ണ-3ടേബിൾസ്പൂൺ+2ടേബിൾസ്പൂൺ
5-കറുവപ്പട്ട -1 ടേബിൾസ്പൂൺ
6ഗ്രാമ്പു -1/2 ടേബിൾസ്പൂൺ
7-ഏലയ്ക്ക -12 ടേബിൾസ്പൂൺ
8-ഉള്ളി -1 ടേബിൾസ്പൂൺ
9-പാണ്ടൻ ഇല -4 ടേബിൾസ്പൂൺ
10-ഉപ്പ് -ആവശ്യത്തിന്
തയ്യാറാക്കുന്ന വിധം :-
1- ഇതിൽ അലങ്കരിക്കാൻ വേണ്ടതും ചോറിനും വേണ്ടിയിട്ടും ഒരേ എണ്ണ തന്നെയാണ് ഉപയോഗിക്കുന്നത്. അതായത് മൂന്ന് ടേബിൾസ്പൂൺ വെളിച്ചെണ്ണയും നെയ്യും മിക്സ് ചെയ്ത് കുക്കറിൽ ഒഴിക്കുക. 
2- 1 സവാള കനം കുറച്ച് അരിഞ്ഞത് കുക്കറിലിട്ട് മൂപ്പിച്ച് എടുക്കുക . കൂടെ തന്നെ നമുക്ക് 2 ടേബിൾ സ്പൂൺ അണ്ടിപ്പരിപ്പും ഇതിലേക്ക് ഇട്ടു കൊടുക്കാം. കാരണം കാഷ്യൂ നട്ടിന് കുറച്ചു വേവ് കൂടുതൽ ഉള്ളത് കാരണം ഒരുമിച്ച് തന്നെ വറുക്കണം. ഇത് പകുതി വേവാവുമ്പോൾ ഇതിലേക്ക്  2  ടേബിൾസ്പൂൺ ഉണക്കമുന്തിരിയും 1/4 കപ്പ് ക്യാരറ്റ് ചെറുതായി അരിഞ്ഞതും ഇതിലേക്ക് ചേർത്ത് കൊടുക്കുക. അവസാനം രണ്ട് തണ്ട് കറിവേപ്പിലയും കൂടെ ചേർത്തിട്ട് മൂപ്പിച്ച് നമുക്ക് ഇതെല്ലാം കോരി മാറ്റിവയ്ക്കാം. ഇത് ചോറ് വെന്തതിനുശേഷം ചേർക്കാനുള്ളതാണ്.
3- ഈ നെയ്യിൽ തന്നെയാണ് നമ്മൾ ചോറും വേവിച്ചെടുക്കുന്നത് . കൂടുതൽ നെയ്യ് വേണമെങ്കിൽ രണ്ട് ടേബിൾ സ്പൂൺ ഒഴിച്ചു കൊടുക്കുക. നെയ്യ് ഉണ്ടാവുമ്പോൾ മാത്രമാണ് നെയ്ച്ചോറിന് ആ രുചി കിട്ടുകയുള്ളൂ. ചൂടായ യിലേക്ക് 1 ടേബിൾസ്പൂൺ പട്ടയും 1/2 ടേബിൾ സ്പൂൺ ഗ്രാമ്പൂ 12 ഏലക്ക  ( ഏലക്ക ഒന്ന് കല്ലിലിട്ടു കുത്തിയെടുക്കാം). ഒന്ന് മൂപ്പിച്ചെടുക്കുക ഇതിലേക്ക് ഒരു സവാള അരിഞ്ഞത് ചേർത്ത് കൊടുക്കുക . ഇതിലേക്ക് 4 ബിരിയാണി കൈതയുടെ ഇല കൂടെ ഇട്ടുകൊടുക്കുക( നല്ല സ്മെല്ല് കിട്ടാൻ വേണ്ടിയിട്ടാണ് ഇതില്ലെങ്കിൽ ഒഴിവാക്കാം). ചോറിലേക്ക് ഉള്ളി മൂപ്പിക്കുമ്പോൾ ഒരിക്കലും ബ്രൗൺ നിറത്തിലേക്ക് പോകാതിരിക്കാൻ പ്രത്യേകം ശ്രദ്ധിക്കുക ഒരു പിങ്ക് കളറിൽ ആവുമ്പോൾ തന്നെ ഇതിലേക്ക് വെള്ളം ഒഴിക്കണം.
4- നെയ്ച്ചോർ ഉണ്ടാക്കുമ്പോൾ അരിയുടെ ഇരട്ടിയാണ് വെള്ളം ചേർക്കേണ്ടത് ഞാനിവിടെ 6 കപ്പ് അരിയിലേക്ക് 12 കപ്പ് വെള്ളം ചേർത്തിട്ടുണ്ട്. ഇതിലേക്ക് ആവശ്യത്തിനുള്ള ഉപ്പ് ചേർത്തു കൊടുത്ത് വെള്ളം തിളപ്പിക്കാൻ വയ്ക്കുക.
5- വെള്ളം തിളച്ചാൽ അരി ഇട്ടു കൊടുക്കുക നന്നായി ഇളക്കിയശേഷം കുക്കർ അടച്ചു കൊടുക്കുക 
6- വലിയ തീയിൽ രണ്ടു വിസിൽ ആയാൽ നെയ്ച്ചോർ റെഡി. പെട്ടെന്ന് തന്നെ വിസിൽ കളഞ്ഞു കുക്കർ തുറക്കാം. 
7-നമ്മൾ ഗാർണിഷിങ്ങിന് വേണ്ടി മാറ്റിവെച്ചുണ്ടായിരുന്ന ചേരുവകൾ ഇതിലേക്ക് ഇട്ട് നന്നായി യോജിപ്പിച്ച് എടുക്കുക .