പ്രോട്ടീൻ നിറഞ്ഞ പനീർ സമോസ

ചേരുവകൾ

പനീർ 200 ഗ്രാം

മൈദ – 250 ഗ്രാം

മീറ്റ് മസാല – 3 ടേബിൾ സ്പൂൺ

കുരുമുളകുപൊടി – 2 ടീസ്പൂൺ

ഇഞ്ചി -1 കഷണം

പച്ചമുളക് – 5 എണ്ണം

കാരറ്റ് – 100 ഗ്രാം

കാബേജ് – 100 ഗ്രാം

കറിവേപ്പില – 2 തണ്ട്

സവാള – 100 ഗ്രാം

ഉപ്പ് – പാകത്തിന്

തയ്യാറാക്കുന്ന വിധം
പനീർ ചെറിയ കഷണങ്ങളാക്കി മുറിക്കുക. മുറിച്ച കഷണങ്ങൾ ചെറുതീയിൽ വറത്തുകോരുക. 5 മുതൽ 10 വരെയുള്ള ചേരുവകൾ ചെറുതായി അരിഞ്ഞ് ചെറുതീയിൽ വെളിച്ചെണ്ണയിൽ വഴറ്റിയെടുക്കുക. വഴറ്റിയ ചേരുവകളോടൂടി പനീർ കഷണങ്ങളും ഇറച്ചിമസാല, കുരുമുളകുപൊടി, ഉപ്പ് എന്നിവ ചേർത്ത് പാകത്തിനു വെള്ളം ചേർത്ത് വേവിച്ചെടുക്കുക.
മൈദ പാകത്തിനുപ്പും ചേർത്തു കുഴച്ചു, ചപ്പാത്തിപോലെ പരത്തിയശേഷം വഴറ്റി തയ്യാറാക്കി വച്ചിരിക്കുന്ന കൂട്ട് ചപ്പാത്തിയിൽ വെച്ചു മടക്കി എണ്ണയിലിട്ടു വറുത്തെടുക്കുക