പാൽക്കഞ്ഞി തയ്യാറാക്കാം

പാൽക്കഞ്ഞി തയ്യാറാക്കാം 
ചേരുവകൾ

ഉണക്കലരി – ഒരു കപ്പ്

തേങ്ങ – ഒന്ന്

ജീരകം ചതച്ചത് – അര ടീസ്പൂൺ

ഉപ്പ് – ആവശ്യത്തിന്

വെള്ളം – ആവശ്യത്തിന്

തയ്യാറാക്കുന്ന വിധം

ഉണക്കലരി കഴുകി വൃത്തിയാക്കി രണ്ടു മണിക്കൂർ വെള്ളത്തിൽ കുതിർത്തു വയ്ക്കുക.

നന്നായി കുതിർന്ന ഉണക്കലരി കൈകൊണ്ടു ഞെരടി തരി തരിയായി പൊടിച്ചെടുക്കുക.

തേങ്ങ ചിരകിയതിലേക്ക് ഒരു കപ്പ് വെള്ളം ചേർത്ത് മിക്‌സിയിൽ നന്നായി അരച്ചെടുക്കുക.

ഒരു അരിപ്പയിൽ കൂടി അരിച്ചെടുത്ത് ഒന്നാം തേങ്ങാപ്പാൽ മാറ്റിവയ്ക്കുക.

തേങ്ങാപ്പീരയിലേക്ക 2 കപ്പ് വെള്ളം ചേർത്ത് അരച്ച് അരിച്ചെടുത്തു രണ്ടാം തേങ്ങാപ്പാലും പിഴിഞ്ഞെടുക്കുക.

അരി രണ്ടു കപ്പ് വെള്ളവും രണ്ടാം തേങ്ങാപ്പാലും ചേർത്തു വേവിക്കുക.

നന്നായി വെന്തു കഴിയുമ്പോൾ ജീരകം ചതച്ചതും ആവശ്യത്തിന് ഉപ്പും ചേർത്ത് ഇളക്കുക.

ഒന്നാം തേങ്ങാപ്പാലും ചേർത്തു തിളപ്പിക്കുക.

കഞ്ഞിക്കു കട്ടി കൂടുതലാണെങ്കിൽ ആവശ്യത്തിനു തിളച്ച വെള്ളം കൂടി ഒഴിച്ച് കൊടുക്കുക.

നന്നായി തിളച്ചു കഴിയുമ്പോൾ തീ ഓഫ് ചെയ്യാം.