ദുബായ്-നേപ്പാള്‍ വിമാന സർവീസുകള്‍ റദ്ദാക്കി. നേപ്പാളിലെ ജെൻ സി പ്രതിഷേധത്തെ തുടർന്ന് കാഠ്മണ്ഡു വിമാനത്താവളം അടച്ചതോടെയാണ് സർവീസുകള്‍ റദ്ദാക്കിയത്.ഇന്ന് ദുബായ് രാജ്യാന്തര വിമാനത്താവളത്തില്‍ നിന്ന് കാഠ്മണ്ഡുവിലേക്ക് പുറപ്പെട്ട ഫ്ലൈദുബായ് എഫ് ഇസെഡ് 539 വിമാനം വഴിതിരിച്ചുവിട്ട് ലഖ്നൗവിലേക്ക് അയച്ചതായി ഫ്ലൈദുബായ് വക്താവ് അറിയിച്ചു.
കാഠ്മണ്ഡുവില്‍ നിന്ന് ദുബായിലേക്കുള്ള എഫ് ഇസെഡ് 540 വിമാനവുംഎഫ് ഇസെഡ് 573/574, എഫ് ഇസെഡ് 575/576 എന്നീ വിമാനങ്ങളും റദ്ദാക്കി.വിമാനം റദ്ദാക്കിയതോടെ ബുദ്ധിമുട്ടിലായ യാത്രക്കാർക്ക് ആവശ്യമായ താമസസൗകര്യങ്ങള്‍ ഒരുക്കി നല്‍കുമെന്നും അടുത്ത ലഭ്യമായ വിമാനങ്ങളില്‍ ടിക്കറ്റുകള്‍ വീണ്ടും ബുക്ക് ചെയ്തുനല്‍കുമെന്നും ഫ്ലൈദുബായ് വ്യക്തമാക്കി.യാത്രക്കാർക്ക് കൂടുതല്‍ വിവരങ്ങള്‍ക്കായി ഫ്ലൈദുബായ് കോണ്‍ടാക്റ്റ് സെൻ്ററുമായി ബന്ധപ്പെടുകയോ, വെബ്സൈറ്റ് സന്ദർശിക്കുകയോ ചെയ്യാം.
