ബലാത്സംഗക്കേസില് പ്രതിയായ രാഹൂല് മാങ്കൂട്ടത്തില് എംഎല്എ മുന്കൂര് ജാമ്യാപേക്ഷയുമായി ഇന്ന് ഹൈക്കോടതിയെ സമീപിച്ചേക്കും. തിരുവനന്തപുരം ജില്ലാ സെഷന്സ് കോടതി ഹര്ജി തളളിയതോടെയാണിത്. ഇന്നുതന്നെ ബെഞ്ചില് ഹര്ജി കൊണ്ടുവന്ന് പൊലീസിന്റെ അറസ്റ്റ് നീക്കം തടയാന് കഴിയുമോ എന്നാണ് നോക്കുന്നത്.
രാഹുല് മാങ്കൂട്ടത്തിലിന് എതിരെയുളള ഗുരുതര ആരോപണങ്ങളെന്ന നിരീക്ഷണത്തോടെയാണ് തിരുവനന്തപുരം ജില്ലാ കോടതി ജാമ്യം തളളിയത്. എന്നാല്, വിവാഹ വാഗ്ദാനം നല്കി പീഡിപ്പിച്ചെന്ന ആരോപണം നിലനില്ക്കില്ലെന്നും ഗര്ഭഛിദ്രത്തിന് പ്രേരിപ്പിച്ചിട്ടില്ലെന്നുമാണ് രാഹുലിന്റെ വാദം.
അതേസമയം, രാഹുല് മാങ്കൂട്ടത്തില് എംഎല്എയ്ക്കെതിരായ രണ്ടാമത്തെ ബലാത്സംഗ കേസില് പ്രത്യേക അന്വേഷണ സംഘം വിപുലീകരിക്കും. വനിത ഐപിഎസ് ഉദ്യോഗസ്ഥയുടെ നേതൃത്വത്തിലാകും അന്വേഷണം നടക്കുക. ഇതിനിടെ, പരാതിക്കാരിയുടെ മൊഴി രേഖപ്പെടുത്താനും ശ്രമം തുടങ്ങി. അതിസങ്കീര്ണമായ കേസായതിനാല് കൂടുതല് അന്വേഷണം ആവശ്യമാണെന്നാണ് പൊലീസ് നിഗമനം.
