ആവശ്യ സാധനങ്ങൾ:
തൈര് – 2 കപ്പ്
ചെറിയ ഉള്ളി – 3 എണ്ണം
മഞ്ഞൾപ്പൊടി – 1/4 ടീസ്പൂൺ
ജീരകം – 1/4 ടീസ്പൂൺ
തേങ്ങാ ചിരകിയത് – 1/4 കപ്പ്
പച്ചമുളക്ക് – 1 എണ്ണം
എണ്ണ – 1/2 ടേബിൾസ്പൂൺ
ഉപ്പ് – ആവശ്യത്തിന്
കടുക് വറുക്കാൻ
കടുക് – 1 ടീസ്പൂൺ
ചെറിയ ഉള്ളി അരിഞ്ഞത് – 2 എണ്ണം
വറ്റൽ മുളക് – 2
കറിവേപ്പില – ആവശ്യത്തിന്
ഉണ്ടാക്കുന്ന വിധം:
ആദ്യം അരപ്പ് തയ്യാറാക്കാം. അതിനായി തേങ്ങാ ചിരകിയത്, ജീരകം, പച്ചമുളക്ക്, മഞ്ഞൾപ്പൊടി, ചെറിയ ഉള്ളി, 1/2 കപ്പ് തൈര് എന്നിവ നന്നായി അരച്ചെടുക്കുക. പേസ്റ്റ് രൂപത്തിൽ വേണം അരച്ചെടുക്കാൻ. ശേഷം ഇതിലേക്ക് ബാക്കി തൈരും 1/2 കപ്പ് വെള്ളവും ചേർത്തു നന്നായി അരച്ചെടുക്കുക.
അതിന് ശേഷം ഒരു ഫ്രൈയിങ് പാൻ ചൂടാക്കി എണ്ണ ഒഴിച്ച ശേഷം കടുക്ക് പൊട്ടിക്കുക. ഇതിലേക്ക് വറ്റൽ മുളക്ക് ഇട്ട് ഒന്ന് വറുക്കണം. അതിന് ശേഷം അരിഞ്ഞു വച്ചിരിക്കുന്ന ചെറിയുള്ളി ഇട്ട് മൂപ്പിച്ചെടുത്ത ശേഷം തീ അണയ്ക്കാം.
പാത്രം കുറച്ച് തണുത്ത ശേഷം അരച്ചെടുത്ത തൈര് ഇതിലേക്ക് ചേർക്കാം. തീ സിമ്മിൽ വെച്ച് ആവശ്യത്തിന് ഉപ്പ് ഇട്ട് നന്നായി യോജിപ്പിക്കണം. ഒരു മിനിറ്റ് കഴിഞ്ഞതും തീ ഓഫ് ചെയ്യണം. മോര് കറി റെഡി.
