കൊച്ചി നഗരത്തില് വായു മലിനീകരണം സൂചിക 164 രേഖപ്പെടുത്തി. വ്യവസായ മേഖലകളില് വായു മലിനീകരണ സൂചിക 200ന് അടുത്താണ്. ഡിസംബറിലെ മഞ്ഞിനൊപ്പം അന്തരീക്ഷ മലിനീകരണവും വാഹനങ്ങളിലെ പുകയും പൊടിപടലവും ചേരുമ്പോള് രൂക്ഷമായ പുകമഞ്ഞ് ആവുകയാണ്.
നഗരത്തിലെ വായു ഗുണനിലവാരം കുറഞ്ഞുവരികയാണ്.കൊച്ചിയില് 150 നും 200നും ഇടയിലാണ് കഴിഞ്ഞ ഒരാഴ്ചയായി ഗുണനിലവാര സൂചിക. ഗര്ഭിണികളും കുട്ടികളും പ്രത്യേകം ജാഗ്രത പാലിക്കണമെന്നും മാസ്ക് ധരിക്കണമെന്നും വിദഗ്ധര് പറയുന്നു. ഏലൂര്, ഇടയാര്, കരിമുകള് അമ്പലമുകള് എന്നീ വ്യവസായ മേഖലകളിലാണ് കൂടുതല് പ്രതിസന്ധി.
