തമിഴ്നാട്ടിലെ തിരുവള്ളൂരില് ഉത്ര മോഡല് കൊലപാതകം. ഇന്ഷുറന്സ് തുക ലഭിക്കുന്നതിനായി അച്ഛനെ മക്കള് പാമ്പിനെ കൊണ്ട് കടിപ്പിച്ച് കൊലപ്പെടുത്തി. സംഭവത്തില് പൊത്താതുര്പേട്ട സ്വദേശികളായ മോഹന് രാജ്(26), ഹരിഹരന്(27) എന്നിവരെ പൊലീസ് അറസ്റ്റ് ചെയ്തു.
അപകടമരണമാണെന്ന് ആദ്യം കരുതിയ കേസാണ് പിന്നീട് കൊലപാതകമാണെന്ന് തെളിഞ്ഞത്. സര്ക്കാര് സ്കൂളിലെ ലബോറട്ടറി അസിസ്റ്റന്റായ 56 കാരനായ ഇ പി ഗണേശനെ ഒക്ടോബറില് പൊത്താതുര്പേട്ട ഗ്രാമത്തിലെ തന്റെ വസതിയില് മരിച്ച നിലയില് കണ്ടെത്തുകയായിരുന്നു. ഉറക്കത്തിനിടെ പാമ്പ് കടിയേറ്റ് മരിച്ചതായാണ് കുടുംബം നാട്ടുകാരോടും ബന്ധുക്കളോടും പറഞ്ഞത്.
അപകട മരണമായി കണക്കാക്കി പൊലീസ് ആദ്യം കേസ് രജിസ്റ്റര് ചെയ്തിരുന്നു.എന്നാല് ഒരു ഇന്ഷുറന്സ് കമ്പനി സംശയാസ്പദമായ ചില കാര്യങ്ങള് ഉന്നയിച്ചതോടെയാണ് എസ്ഐടി അന്വേഷണം നടത്തുകയും സംഭവം കൊലപാതകമാണെന്ന് തെളിയുകയും ചെയ്തത്.ഗണേശന്റെ പേരില് മൂന്ന് കോടി രൂപയുടെ ഇന്ഷുറന്സ് പോളിസികള് ഉണ്ടായിരുന്നു.
