ക്രിസ്മസ്- പുതുവത്സര സ്പെഷ്യല് ഡ്രൈവിനോട് അനുബന്ധിച്ചു ഷൊര്ണൂര് റെയില്വേ സ്റ്റേഷനില് നടത്തിയ പരിശോധനയില് 10 കിലോ ഉണക്ക കഞ്ചാവും, 15 കിലോ നിരോധിത പുകയില ഉല്പന്നവും കണ്ടെത്തി.
റെയില്വേ സ്റ്റേഷനിലെ നാലാം നമ്പര് പ്ലാറ്റ്ഫോമിന്റെ എസി ഹാളിനോട് ചേര്ന്നാണ് ബാഗില് സൂക്ഷിച്ച നിലയില് കഞ്ചാവും, പുകയില ഉല്പ്പന്നങ്ങളും കണ്ടെത്തിയത്. ആര്പിഎഫ്, പട്ടാമ്പി എക്സൈസ് റേഞ്ച് ഇന്സ്പെക്ടര് പി.എന്. രാജേഷ് കുമാര്, സല്മാന് റസാലി, കെ.ഒ. പ്രസന്നന് എന്നിവര് ചേര്ന്നാണ് പരിശോധന നടത്തിയത്. ക്രിസ്മസ് -ന്യൂയറിനോട് അനുബന്ധിച്ച് ട്രെയിന് വഴി ലഹരിക്കടുത്ത് വര്ദ്ധിക്കുന്നതായി റിപ്പോര്ട്ട് കിട്ടിയിട്ടുണ്ടെന്നും വരും ദിവസങ്ങളിലും ട്രെയിന് കേന്ദ്രീകരിച്ച് അന്വേഷണം ശക്തമാക്കുമെന്നും ആര് പി എഫ് അറിയിച്ചു.
