വയനാട്: പനമരം ജനവാസ മേഖലയില് ഇറങ്ങിയ കടുവയെ മയക്കുവെടിവച്ച് പിടികൂടും. രാവിലെ ആര്ആര്ടി സംഘം തെർമല് ഡ്രോണില് കടുവയെ ലൊക്കേറ്റ് ചെയ്യാൻ ശ്രമം തുടങ്ങും.അതിന് ശേഷമാകും മയക്കുവെടി വയ്ക്കാൻ നടപടി തുടങ്ങുക. ദൗത്യത്തിനിടെ കടുവ ഇന്നലെ ജനവാസ മേഖലയിലേക്ക് ഓടിയത് ആശങ്ക പരത്തിയിരുന്നു.
അതിനാല് പനമരം പ്രദേശത്ത് അതീവ ജാഗ്രതാ നിർദേശം നല്കിയിട്ടുണ്ട്. തെർമല് ഡ്രോണ് വഴി രാത്രി നിരീക്ഷണം തുടർന്നെങ്കിലും കടുവ കാണാമറയത്താണ്. പ്രദേശത്ത് വനം വകുപ്പിന്റെ പട്രോളിങ് തുടരുകയാണ്.
പനമരം ഗ്രാമപഞ്ചായത്തിലെ ജനവാസ മേഖലയില് കടുവ ഇറങ്ങിയ സാഹചര്യത്തില് പഞ്ചായത്തിലെ 6, 7, 8, 9, 14, 15 വാർഡുകളായ നീർവാരം, അമ്മാനി, നടവയല്, പരിയാരം, ചുണ്ടക്കുന്ന്, അരിഞ്ചേർമല ഭാഗങ്ങളിലും കണിയാമ്ബറ്റ ഗ്രാമപഞ്ചായത്തിലെ 5, 6, 7, 19, 20 വാർഡുകളിലെ സ്കൂള്, അങ്കണവാടി, മദ്രസ ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടർ ഡി ആർ മേഘശ്രീ ഇന്ന് അവധി പ്രഖ്യാപിച്ചു. പരീക്ഷകള്ക്കും അവധി ബാധകമായിരിക്കും
