കണ്ണൂർ : കണ്ണൂർ സിറ്റി നീർച്ചാൽ പാകത്തിന് സമീപം സി എച്ച് ഹൗസിൽ താമസിക്കുന്ന അഫ്സൽ സി എച്ച് (46) ദുബൈയിൽ ഹൃദയാഘാതം മൂലം കുഴഞ്ഞു വീണു മരിച്ചു.
ദുബൈ കറാമ സിറ്റി മക്കാനിയിലെ ഷെഫ് ആയിരുന്നു. അബൂദബി-കണ്ണൂർ മണ്ഡലം കെ.എം.സി.സി ജനറല്‍ സെക്രട്ടറി മഷ്ഹൂദ് നീർച്ചാലിന്റെ ജ്യേഷ്ഠ സഹോദരനാണ്. മ ഹംസ -സുബൈദ ദമ്പതികളുടെ മകനാണ്. ഭാര്യ: ആമിന. മക്കള്‍: ആദില, മാസിയ, ഹഫ്സ. മറ്റു സഹോദരങ്ങള്‍: സാജിദ്, നജീബ്, ഫർസാന.
നിരവധി വർഷങ്ങളായി യു.എ.ഇയില്‍ ജോലി ചെയ്യുന്ന അഫ്സല്‍ 'നീർച്ചാലിയൻസ് യു.എ.ഇ' കൂട്ടായ്മ അംഗമായിരുന്നു. മൃതദേഹം നാട്ടിലേക്കു കൊണ്ട് വരാനുള്ള നടപടികള്‍ സ്വീകരിച്ചു വരികയാണെന്ന് ബന്ധുക്കൾ അറിയിച്ചു.
