പത്മനാഭസ്വാമി ക്ഷേത്രത്തിലെ ആറാട്ട് ഘോഷയാത്ര ; തിരുവനന്തപുരം വിമാനത്താവളത്തിലെ സർവീസുകൾ താൽക്കാലികമായി നിർത്തിവെക്കും

തിരുവനന്തപുരം: പത്മനാഭസ്വാമി ക്ഷേത്രത്തിലെ അൽപശി ആറാട്ട് ഘോഷയാത്രയുടെ ഭാഗമായി തിരുവനന്തപുരം അന്താരാഷ്ട്ര വിമാനത്താവളത്തിലെ വിമാന സർവീസുകൾ താൽക്കാലികമായി നിർത്തിവെക്കുമെന്ന് അധികൃതർ അറിയിച്ചു.

ഒക്ടോബർ 30-ന് വൈകുന്നേരം 4.45 മുതൽ രാത്രി 8.00 വരെയാണ് സർവീസുകൾ നിർത്തിവെയ്ക്കുക. ചടങ്ങിനിടെ സുരക്ഷയും ഗതാഗത ക്രമീകരണങ്ങളും ഉറപ്പാക്കുന്നതിനായാണ് ഈ നടപടി. യാത്രക്കാർ പുതുക്കിയ വിമാന ഷെഡ്യൂളുകൾക്കും സമയക്രമങ്ങൾക്കും ബന്ധപ്പെട്ട വിമാനക്കമ്പനികളുമായി നേരിട്ട് ബന്ധപ്പെടണമെന്ന് വിമാനത്താവള അധികൃതർ അഭ്യർത്ഥിച്ചിട്ടുണ്ട്.