തിരുവനന്തപുരം-ദുബൈ സര്‍വീസും തിരുവനന്തപുരം-അബൂദബി സര്‍വീസും എയര്‍ ഇന്ത്യ പുനഃസ്ഥാപിച്ചു

എയർ ഇന്ത്യ എക്‌സ്പ്രസ് തിരുവനന്തപുരം-ദുബൈ സർവീസും തിരുവനന്തപുരം-അബൂദബി സർവീസും പുനഃസ്ഥാപിച്ചു. ഈമാസം 28 ന് ആരംഭിക്കുന്ന ശീതകാല ഷെഡ്യൂളിലാണ് തിരുവനന്തപുരത്ത് നിന്ന് ദുബൈയിലേക്കും തിരിച്ചുമുള്ള സർവീസ് ഉള്‍പ്പെടുത്തിയത്.ചൊവ്വ, വ്യാഴം, ശനി ദിവസങ്ങളില്‍ തിരുവനന്തപുരം-ദുബൈ സർവീസുണ്ടാകും.

അതേസമയം, തിരുവനന്തപുരം-അബൂദബി സർവീസ് ഡിസംബർ മൂന്ന് മുതലാണ് വീണ്ടും തുടങ്ങുക. ബുധൻ, വെള്ളി, ഞായർ ദിവസങ്ങളില്‍ അബൂദബിയിലേക്കും തിരിച്ചും വിമാനമുണ്ടാവും. ഈ സർവീസുകള്‍ റദ്ദാക്കാൻ നേരത്തെ തീരുമാനിച്ചിരുന്നു. എന്നാല്‍ കടുത്ത പ്രതിഷേധമുയർന്ന സാഹചര്യത്തിലാണ് പുനഃസ്ഥാപിക്കാൻ എയർ ഇന്ത്യ തയാറായത്.