ആപ്പിൾ ചോക്ലേറ്റ് പുഡ്ഡിംഗ്

ആവശ്യമുള്ള സാധനങ്ങൾ

മുട്ട - 2 എണ്ണം
പാൽ- 1 കപ്പ്
കണ്ടൻസിഡ് മിൽക്ക് - 150 മില്ലി ലിറ്റർ
പഞ്ചസാര - 50 ഗ്രാം
ഉപ്പില്ലാത്ത ബട്ടർ - 75 ഗ്രാം
കറുവാപ്പട്ട പൊടിച്ചത് - 1/2 ടീസ്പൂൺ
ബ്രഡ്ഡ് - 1 പായ്ക്കറ്റ്(വശങ്ങൾ കളഞ്ഞ് ചെറിയ ചതുര കഷണങ്ങളാക്കിയത്)
ആപ്പിൾ - 2 എണ്ണം(തൊലി കളഞ്ഞ ചെറിയ ചതുര കഷണങ്ങളാക്കിയത്)
ചോക്ലേറ്റ് ചിപ്സ് - 50 ഗ്രാം

തയ്യാറാക്കുന്ന വിധം

മുട്ട നന്നായി അടിച്ചെടുത്ത ശേഷം പാലും ചേർത്ത് വീണ്ടും അടിക്കുക. ഇതിലേക്ക് കണ്ടൻസിഡ് മിൽക്ക്,പഞ്ചസാര, ബട്ടർ, കറുവാപ്പട്ടപ്പൊടി എന്നിവ ചേർത്ത് നന്നായി മിക്സ് ചെയ്യുക. ബ്രഡ്ഡും ചോക്ലേറ്റ് ചിപ്സും ആപ്പിളും ചേർത്ത് വീണ്ടും മിക്സ് ചെയ്ത് വയ്ക്കുക. ഒരു ബേക്കിംഗ് ട്രേയിൽ ബട്ടർ പുരട്ടി അതിലേക്ക് തയാറാക്കി വച്ച കൂട്ട് ഒഴിച്ച് 200 ഡിഗ്രി സെൽഷ്യസിൽ ചൂടാക്കുക. ചൂടോടെയൊ തണുപ്പിച്ചോ ഐസ്‌ക്രീമിനൊപ്പം വിളമ്പാം.