ജയ്‌പൂർ: നിർത്തിയിട്ടിരുന്ന ട്രെയ്‌ലറില്‍ ബസ് ഇടിച്ചുകയറി അപകടം. ജയ്പൂരില്‍ ഫലോഡി ജില്ലയിലാണ് സംഭവം.അപകടത്തില്‍ 15 പേർ മരിക്കുകയും മൂന്ന് പേർക്ക് പരിക്കേല്‍ക്കുകയും ചെയ്തു.
വിനോദ സഞ്ചാര കേന്ദ്രമായ സുർസാഗറില്‍ നിന്ന് മടങ്ങിയ ബസാണ് അപകടത്തില്‍പ്പെട്ടത്. ബസിന്റെ മുൻഭാഗം പൂർണ്ണമായും തകർന്നു. ബസ് ഇടിച്ച ട്രെയിലറില്‍ നിർമ്മാണ സാമഗ്രികള്‍ ഉണ്ടായിരുന്നതായാണ് റിപ്പോർട്ട്. അപകടത്തില്‍ പരിക്കേറ്റവർക്കും മരണപ്പെട്ടവരുടെ കുടുംബത്തിനൊപ്പം ഉണ്ടാകുമെന്ന് മുഖ്യമന്ത്രി ഭജൻ ലാല്‍ ശർമ്മ പറഞ്ഞു. പരിക്കേറ്രവർക്ക് അടിയന്തര വൈദ്യസഹായം ഉറപ്പാക്കണമെന്നും മുഖ്യമന്ത്രി ഉദ്യോഗസ്ഥർക്ക് നിർദ്ദേശം നല്‍കി.
