തിരുവനന്തപുരം : കേരളത്തിന്റെ ഇന്റർനെറ്റ് ബ്രോഡ്ബാൻഡ് കണക്ഷനായ കെ ഫോൺ ആദ്യ റീചാർജിന് ഓഫറുകൾ അവതരിപ്പിച്ചു. പുതുതായെത്തുന്ന ഉപഭോക്താക്കൾക്ക് ആദ്യ ടേം റീചാർജിനൊപ്പം അധിക വാലിഡിറ്റി കൂടാതെ ബോണസ് വാലിഡിറ്റി കൂടി ലഭിക്കും.
ഏപ്രിൽ 10ന് നിലവിൽ വന്ന ഓഫറുകൾ എല്ലാ പുതിയ ഉപഭോക്താക്കൾക്കും ലഭ്യമാകും. 90 ദിവസത്തെ പ്ലാനിനായി റീചാർജ് ചെയ്യുന്നവർക്ക് 15 ദിവസത്തെ അഡീഷനൽ വാലിഡിറ്റിക്കൊപ്പം അഞ്ചു ദിവസം ബോണസ് വാലിഡിറ്റി ഉൾപ്പടെ വെൽക്കം ഓഫർ വഴി 110 ദിവസം പ്രാബല്യം ലഭിക്കും. 180 ദിവസത്തെ ആറുമാസത്തെ പ്ലാനിനായി റീചാർജ് ചെയ്യുന്നവർക്ക് 30 ദിവസത്തെ അധിക വാലിഡിറ്റിക്കൊപ്പം 15 ദിവസത്തെ ബോണസ് വാലിഡിറ്റിയുൾപ്പടെ വെൽക്കം ഓഫറിലൂടെ 225 ദിവസം വാലിഡിറ്റി ലഭിക്കും.
ഒരു വർഷത്തേക്കുള്ള പ്ലാനിനായി റീചാർജ് ചെയ്യുന്നവർക്ക് 45 ദിവസം അധിക വാലിഡിറ്റിയും 30 ദിവസം ബോണസ് വാലിഡിറ്റിയും ഉൾപ്പടെ 435 ദിവസം വാലിഡിറ്റിയും വെൽക്കം ഓഫർ വഴി നേടാനാകും. 299 രൂപ മുതൽ വിവിധ പ്ലാനുകൾ നിലവിൽ കെ ഫോൺ ഉപഭോക്താക്കൾക്കായി ലഭ്യമാണ്. പുതിയ കണക്ഷനുകൾ ലഭിക്കുന്നതിനായി https://selfcare.kfon.co.in/dm.php എന്ന ലിങ്ക് വഴി രജിസ്റ്റർ ചെയ്‌തോ 18005704466 എന്ന നമ്പറിൽ ബന്ധപ്പെട്ടോ enteKfon ആപ് വഴിയോ അപേക്ഷിക്കാം.