ചാലാപ്പള്ളിയിൽ നിയന്ത്രണംവിട്ട ബൈക്ക് പാലത്തിൻ്റ കൈവരിയിലിടിച്ച് യാത്രികൻ മരിച്ചു

ചാലാപ്പള്ളി : നിയന്ത്രണംവിട്ട ബൈക്ക് പാലത്തിൻ്റ കൈവരിയിലിടിച്ച് യാത്രികൻ മരിച്ചു. പെരുമ്പെട്ടി  പടിഞ്ഞാറെ മൂലേ തറയിൽ എം .എസ് . ഗിരീഷ് ( 51) ആണ് മരിച്ചത്.

ഇന്നലെ രാത്രി 11.20 ന് പൂവനക്കടവ് - ചെറുകോൽപ്പുഴ റോഡിൽ കുടക്കല്ലുങ്കൽ പാലത്തിലായിരുന്നു അപകടം. മല്ലപ്പള്ളിയിലെ സ്വകാര്യ ആശുപത്രിയിൽ എത്തിച്ചപ്പോഴേയ്ക്കും മരിച്ചു.

പെരുമ്പെട്ടി ക്ഷേത്ര ദേവസ്വം സെക്രട്ടറിയാണ്. ഭാര്യ: രമ്യ. മക്കൾ: ഗ്രീഷ്മ, ഭവ്യ . സംസ്കാരം നാളെ ( 26/ 12/ 2024 വ്യാഴം ) 3 ന് വീട്ടു വളപ്പിൽ.