നെറ്റ്ഫ്‌ലിക്‌സ് ഡോക്യുമെന്ററിയുമായി ബന്ധപ്പെട്ട് താരങ്ങളായ ധനുഷും നയന്‍താരയും തമ്മിലുള്ള തര്‍ക്കം മുറുകിക്കൊണ്ടിരിക്കുകയാണ്. ഇതിനിടെ ധനുഷിനെതിരെ നെറ്റ്ഫ്‌ലിക്‌സ് ഇന്ത്യ നല്‍കിയ ഹര്‍ജി തള്ളി മദ്രാസ് ഹൈക്കോടതി. 10 കോടി രൂപ നഷ്ടപരിഹാരം ആവശ്യപ്പെട്ടായിരുന്നു ധനുഷ് ഹൈക്കോടതിയില്‍ ഹര്‍ജി നല്‍കിയിരുന്നത്. ഇതിനെതിരെ നെറ്റ്ഫ്‌ലിക്‌സ് നല്‍കിയ ഹര്‍ജിയാണ് കോടതി തള്ളിയത്.
നെറ്റ്ഫ്‌ലിക്‌സ് ഇന്ത്യയുടെ ഓഫിസ് മദ്രാസ് ഹൈക്കോടതിയുടെ പരിധിയില്‍ അല്ലെന്ന വാദം അംഗീകരിച്ചുകൊണ്ടാണ് കോടതിയുടെ നടപടി. ധനുഷിന്റെ ഹര്‍ജി തള്ളണമെന്ന നെറ്റ്ഫ്‌ളിക്‌സിന്റെ ആവശ്യം അംഗീകരിക്കാനാവില്ലെന്നും ഹൈക്കോടതി പറഞ്ഞു. നെറ്റ്ഫ്‌ളിക്‌സ്
ഇന്ത്യ, നയന്‍താര, വിഘ്‌നേഷ് ശിവന്‍ എന്നിവരായിരുന്നു എതിര്‍ കക്ഷികള്‍. ധനുഷിന്റെ ഹര്‍ജി ഫെബ്രുവരി 5 ന് പരിഗണിക്കും.
