മലപ്പുറം:പാണ്ടിക്കാട് നിന്നും തട്ടിക്കൊണ്ടുപോയ പ്രവാസി വ്യവസായി ഷെമീറിനെ കണ്ടെത്തി. കൊല്ലം ജില്ലയിലെ തെന്മലയില്‍ നിന്നാണ് ഷെമീറിനെ കണ്ടെത്തിയത്.തട്ടിക്കൊണ്ടു പോയ സംഘത്തെയും പൊലീസ് കസ്റ്റഡിയിലെടുത്തിട്ടുണ്ട്.ചൊവ്വാഴ്ച രാത്രി എട്ട് മണിയോടെയാണ് ഷെമീറിനെ തട്ടിക്കൊണ്ടുപോയത്.
വീട്ടിലേക്ക് വരികയായിരുന്ന ഷെമീറിനെ പാണ്ടിക്കാട് ടൗണിലെ സർക്കാർ യുപി സ്കൂളിന് സമീപത്ത് വച്ചാണ് ബലമായി ഇന്നോവ കാറില്‍ കയറ്റി കൊണ്ടുപോയത്. ഇന്നലെ രാവിലെ 1.60 കോടിയുടെ മോചനദ്രവ്യം ആവശ്യപ്പെട്ട് ഭാര്യയ്‌ക്ക് ഫോണ്‍ എത്തിയിരുന്നു. എന്നാല്‍ ഇന്റർനെറ്റ് കോളായതിനാല്‍ വിളിച്ചയാളെ കണ്ടെത്താൻ പൊലീസിന് സാധിച്ചില്ല. തുടർന്ന് കാറിന്റെ ഉടമകളെ പൊലീസ് കസ്റ്റഡിയിലെടുത്തിരുന്നു. ഇവരില്‍ നിന്നാണ് പ്രതികളിലേക്ക് പൊലീസ് എത്തിയത്.
Trending :