മുംബൈ: മലാഡ് പ്രദേശത്ത് കൈയക്ഷരം മോശമായതിന് വിദ്യാർത്ഥിയുടെ കൈ മെഴുകുതിരി ഉപയോഗിച്ച്‌ കത്തിച്ച അദ്ധ്യാപിക അറസ്റ്റില്‍.ലക്ഷധാം സ്കൂളിലെ മൂന്നാം ക്ലാസ് വിദ്യാർത്ഥിയായ മുഹമ്മദ് ഹംസ ഖാൻ(8) ആണ് ദുരന്തം അനുഭവിക്കേണ്ടി വന്നത്.
സംഭവത്തില്‍ മലദ് ഈസ്റ്റിലെ ജെ പി ഡെക്സ് ബില്‍ഡിംഗിലെ ട്യൂഷൻ അധ്യാപികയായ രാജശ്രീ റാത്തോഡിനെ പോലീസ് അറസ്റ്റ് ചെയ്തു. കുട്ടിയുടെ പിതാവ് നല്‍കിയ പരാതിയിലാണ് അധ്യാപികയെ പോലീസ് അറസ്റ്റ് ചെയ്തത്. അതേസമയം കൈയ്ക്ക് പൊള്ളലേറ്റ കുട്ടിയെ ആശുപത്രിയില്‍ പ്രവേശിപ്പിച്ചിരിക്കുകയാണ്.
