കേണല്‍ സോഫിയ ഖുറേഷിക്കെതിരായ വിദ്വേഷ പരാമര്‍ശത്തില്‍ മധ്യപ്രദേശിലെ മന്ത്രി വിജയ് ഷായുടെ രാജി ആവശ്യപ്പെടേണ്ടെന്ന് സംസ്ഥാന ബിജെപിയില്‍ ധാരണ. മുഖ്യമന്ത്രി മോഹന്‍ യാദവ് പങ്കെടുത്ത ബിജെപി നേതാക്കളുടെ യോഗത്തിലാണ് തീരുമാനം.
കോടതി തീരുമാനം അനുസരിക്കുമെന്ന് മുഖ്യമന്ത്രി മോഹന്‍ യാദവ് യോഗത്തില്‍ വ്യക്തമാക്കി. മന്ത്രി വിജയ് ഷാ രാജിവെച്ചാല്‍ കോണ്‍ഗ്രസിന്റെ വിജയമായി മാറുമെന്നാണ് നേതാക്കളുടെ വിലയിരുത്തല്‍. വിഷയത്തില്‍ മന്ത്രി ക്ഷമാപണം നടത്തിയിരുന്നു. ഈ സാഹചര്യത്തിലാണ് ഹൈക്കോടതിയുടെ തീരുമാന പ്രകാരം മുന്നോട്ടുപോകാമെന്ന നിലപാടില്‍ മധ്യപ്രദേശ് ബിജെപി നേതൃത്വമെത്തിയത്.
Trending :