തിരുവനന്തപുരം: കഴക്കൂട്ടത്തിന് സമീപം റോഡ് മുറിച്ചു കടക്കുന്നതിനിടെ ബൈക്കിടിച്ച്‌ പരിക്കേറ്റ് ചികിത്സയിലായിരുന്ന വീട്ടമ്മ മരിച്ചു.കാട്ടായിക്കോണം തെക്കതില്‍ ബി.എസ് ഭവനില്‍ എല്‍. പ്രീത (42) ആണ് മരിച്ചത്.
കഴക്കൂട്ടം-പോത്തൻകോട് റോഡില്‍ കാട്ടായിക്കോണം നരിക്കല്‍ ജംഗ്ഷനില്‍ റോഡ് മുറിച്ച്‌ കടക്കുമ്ബോഴായിരുന്നു നടന്നത്. തിരുവനന്തപുരം മെഡിക്കല്‍ കോളേജ് ആശുപത്രിയില്‍ ചികിത്സയിലായിരുന്നു.
കാര്യവട്ടം യൂണിവേഴ്സിറ്റി കാമ്ബസിലെ താല്‍ക്കാലിക ജീവനക്കാരിയായ പ്രീത കഴിഞ്ഞ വെള്ളിയാഴ്ച്ച വൈകിട്ട് ആറരയോടെ ബസിറങ്ങി റോഡ് മുറിച്ചു കടക്കുമ്ബോള്‍ അമിത വേഗതയിലെത്തിയ ബൈക്ക് ഇടിച്ചുതെറിപ്പിക്കുകയായിരുന്നു. മെഡിക്കല്‍ കോളെജ് ആശുപത്രി മോർച്ചറിയില്‍ പോസ്റ്റ്മോർട്ടത്തിനുശേഷം മൃതദേഹം വീട്ടുവളപ്പില്‍ സംസ്കരിച്ചു
