മട്ടന്നൂർ:മട്ടന്നൂർ നാലാങ്കേരി സ്വദേശിയായ യുവാവിൽനിന്നും മട്ടന്നൂർ പൊലീസ് രണ്ട് കിലോ കഞ്ചാവ് പിടികൂടി.ബാംഗ്ലൂരിൽ നിന്നും വില്പനക്കെത്തിച്ച കഞ്ചാവാണ് മട്ടന്നൂർ നാലാങ്കേരി സ്വദേശി പാറക്കണ്ടി ഹൗസിൽ ശിഹാബ് (38) ൽ നിന്നും പിടികൂടിയത്. മട്ടന്നൂർ ഇരിട്ടി ഭാഗങ്ങളിൽ ആശ്യകാർക്ക് കഞ്ചാവ് എത്തിച്ചു നൽകുന്ന വരിൽ പ്രധാന കണ്ണിയാണ് ഇയാളെന്ന് പൊലീസ് പറഞ്ഞു.
മട്ടന്നൂർ ഇൻസ്‌പെക്ടർ എം. അനിലിൻ്റെ നേതൃത്വത്തിൽ സബ് ഇൻസ്‌പെക്ടർ സി.പി ലിനേഷ്, സിവിൽ പോലീസ് ഓഫീസർ മാരായ കെ.വി ധനേഷ് , ജാബിർ ഇബ്നു മുഹമ്മദ്‌, പി.റിജിൽ , വിജിൽ മോൻ, കെ.രതീഷ് , ഷംസീർ അഹമ്മദ്‌, ഹാരിസ് എന്നിവർ ചേർന്നാണ് പ്രതിയെ പിടികൂടിയത്. ഇയാളെ കോടതിയിൽ ഹാജരാക്കും.
