തയ്യാറാക്കാം കപ്പലണ്ടി അച്ചാർ

തയ്യാറാക്കുന്ന വിധം 

ഉണക്ക കപ്പലണ്ടി എട്ടു മണിക്കൂർ വെള്ളത്തിൽ കുതിർത്ത് ഉപ്പിട്ട് കുക്കറിൽ വേവിച്ചെടുക്കുക.
( പച്ച കപ്പലണ്ടി ആണെങ്കിൽ വെള്ളത്തിൽ കുതിർക്കാതെ തന്നെ വേവിച്ച് ചെയ്യാം)

പാത്രം ചൂടാകുമ്പോൾ നല്ലെണ്ണ ഒഴിച്ച് വെളുത്തുള്ളി, ഇഞ്ചി, പച്ചമുളക്, വേപ്പില വെവ്വേറെ പൊരിച്ചു കോരുക. കടുകും ഉലുവയും പൊട്ടിച്ചെടുക്കുക.

അതിലേക്ക്  കാശ്മീരി മുളകുപൊടിയും, മഞ്ഞപ്പൊടി,കായം, ഉലുവാപ്പൊടി എന്നിവ ചേർത്ത് പച്ചമണം മാറി വരുമ്പോൾ ( ചാറുകുറുകിയത് വേണമെങ്കിൽ 3,4 tbsp വേവിച്ച് വെച്ചിരിക്കുന്ന കപ്പലണ്ടി മിക്സിയിൽ നല്ലതുപോലെ അരച്ച് വഴറ്റിചേർക്കാം) കപ്പലണ്ടി വേവിച്ചത് ചേർത്ത് നന്നായി വഴറ്റുക.

വറുത്ത് മാറ്റിവെച്ചത് എല്ലാം ചേർക്കുക. വിനീഗറും, കപ്പലണ്ടി വേവിച്ച വെള്ളവും, ആവശ്യത്തിനു ഉപ്പും, ചേർത്ത് നന്നായി തിളപ്പിക്കുക. 

തയ്യാറാക്കിയത് : ഫെമി അബ്ദുൾ സലാം