കോഴിക്കോട്: ബാലുശ്ശേരി വട്ടോളി ബസാറിൽ വാഹനാപകടത്തിൽ 60 കാരൻ മരിച്ചു. ശിവപുരം കപ്പുറം കള്ളത്തോട്ടിൽ കെടി ശ്രീധരൻ ആണ് മരിച്ചത്. ശ്രീധരൻ സഞ്ചരിച്ച സ്‌കൂട്ടറിൽ കാറിടിക്കുകയായിരുന്നു.
കപ്പുറം റോഡിൽ നിന്ന് താമരശ്ശേരി-കൊയിലാണ്ടി സംസ്ഥാന പാതയിലേക്ക് പ്രവേശിച്ചപ്പോഴാണ് അപകടമുണ്ടായത്. ഗുരുതരമായി പരിക്കേറ്റ ശ്രീധരനെ ഉടൻതന്നെ സമീപത്തെ താലൂക്ക് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. പരേതനായ മൂത്തോറൻ- അരിയായി ദമ്പതികളുടെ മകനാണ്. ഭാര്യ പുഷ്പ. മക്കൾ: അർജുൻ (കണ്ണൻ), അമൃത. സഹോദരങ്ങൾ കെടി ബാലൻ, ലീല, ശാന്ത.