രാവിലെ ഇതിനായി ചെയ്യേണ്ട പ്രധാനപ്പെട്ട കാര്യമാണ് ചൂടുവെള്ളം കുടിയ്ക്കുകയെന്നത്. ഇളം ചൂടുവെള്ളം ഒന്ന് രണ്ടു ഗ്ലാസ് രാവിലെ വെറുംവയറ്റില്‍ കുടിയ്ക്കുന്നത് ഏറെ നല്ലതാണ്. ഇത് കൊഴുപ്പലിയിച്ചു കളയാന്‍ പല രീതിയിലും സഹായിക്കും. ദഹനശേഷി മെച്ചപ്പെടുത്തും. മലബന്ധം ഒഴിവാക്കും. ശരീരത്തിലെ അപചയ പ്രക്രിയ ശക്തിപ്പെടുത്തും. ഇതെല്ലാം വയര്‍ കുറയ്ക്കാന്‍ സഹായിക്കും. ഇളംചൂടുവെള്ളം മതിയാകും. ഇതില്‍ നാരങ്ങാനീരും തേനും ചേര്‍ത്തിളക്കുന്നത് ഏറെ ഗുണകരമാണ്. ഇതു കൂടാതെ ഇടയ്ക്കിടെ ചൂടുവെള്ളം കുടിയ്ക്കുന്നത് നല്ലതാണ്.
ഇതു പോലെ പ്രാതല്‍ പ്രധാന ഭക്ഷണമാണ്. പ്രാതല്‍ തടി കുറയ്ക്കാന്‍ സഹായിക്കുന്ന ഒന്നു കൂടിയാണ്. പ്രാതല്‍ ഉപേക്ഷിയ്ക്കുന്നത് വയറും തടിയും കൂടാന്‍ ഇടയാക്കുന്നു. പ്രാതലില്‍ കഴിയ്ക്കുന്നവയും പ്രധാനമാണ്. പ്രോട്ടീന്‍ ഭക്ഷണങ്ങള്‍ പ്രാതലില്‍ ഉള്‍പ്പെടുത്തുന്നത് വയര്‍ കുറയ്ക്കാന്‍ ഏറെ നല്ലതാണ്. പ്രോട്ടീന്‍ ഭക്ഷണം വയര്‍ പെട്ടെന്ന് നിറയാന്‍ സഹായിക്കും. ഇതു പോലെ തന്നെ ഇത് ശരീരത്തിന് ആരോഗ്യം നല്‍കുകയും ചെയ്യുന്നു. ഇത് വയര്‍ ചാടാതിരിയ്ക്കാന്‍ സഹായിക്കുന്നു. പ്രോട്ടീന്‍ ഭക്ഷണം വയര്‍ പെട്ടെന്ന് നിറയാനും നല്ലതാണ്.
പ്രോട്ടീന്‍ ഭക്ഷണങ്ങളില്‍ ഇറച്ചി വിഭവങ്ങള്‍ രാവിലെ ഉള്‍പ്പെടുത്താത്തതാണ് നല്ലത്. പകരം മുട്ട കഴിയ്ക്കാം. മുട്ട തടി കുറയ്ക്കാന്‍ സഹായിക്കുന്ന ഒന്നാണ്. ഒരു സമീകൃതാഹാരം എന്ന ഗണത്തില്‍ പെടുത്താവുന്ന ഒന്നാണിത്. ഇതു പോലെ തന്നെ ചെറുപയര്‍ മുളപ്പിച്ചത് സാലഡായോ ഇതല്ലെങ്കില്‍ പുഴുങ്ങിയോ ഒരു പിടി പ്രാതലിന് ഉള്‍പ്പെടുത്തുന്നത് ഏറെ ആരോഗ്യ ഗുണങ്ങള്‍ക്കൊപ്പം തടിയും വയറും കുറയാന്‍ സഹായിക്കുന്ന ഒന്നു കൂടിയാണ്.