സ്ഥാ​പ​ന​ങ്ങ​ളി​ൽ ജീ​വ​ന​ക്കാ​രെ ​ദ്രോ​ഹി​ക്കു​ന്ന സ്ഥ​ലം​മാ​റ്റ​ങ്ങ​ൾ ഭ​ര​ണ​ഘ​ട​നാ​വി​രുദ്ധം : മദ്രാസ് ഹൈകോടതി

ചെ​ന്നൈ: സ്ഥാ​പ​ന​ങ്ങ​ളി​ൽ ജീ​വ​ന​ക്കാ​രെ ​ദ്രോ​ഹി​ക്കു​ന്ന സ്ഥ​ലം​മാ​റ്റ​ങ്ങ​ൾ ഭ​ര​ണ​ഘ​ട​നാ​വി​രു​ദ്ധ​മാ​ണെ​ന്ന് മ​ദ്രാ​സ് ഹൈ​ക്കോ​ട​തി. ജീ​വ​ന​ക്കാ​ര​ന്റെ ആ​രോ​ഗ്യ​മോ കു​ടും​ബ​ത്തി​ന്റെ ആ​വ​ശ്യ​ങ്ങ​ളോ സു​ര​ക്ഷാ ആ​ശ​ങ്ക​ക​ളോ അ​വ​ഗ​ണി​ക്കു​ന്ന സ്ഥ​ലം​മാ​റ്റം അ​ന്യാ​യ​മാ​ണെ​ന്നും മ​നു​ഷ്യ​ന്റെ അ​ന്ത​സ്സി​നു​ള്ള അ​വ​കാ​ശം ഉ​റ​പ്പു​ന​ൽ​കു​ന്ന ഭ​ര​ണ​ഘ​ട​ന​യു​ടെ ആ​ർ​ട്ടി​ക്കി​ൾ 21ന്റെ ​ലം​ഘ​ന​മാ​കു​മെ​ന്നും ഹൈ​കോ​ട​തി വ്യ​ക്ത​മാ​ക്കി.

യൂ​നി​യ​ൻ ബാ​ങ്ക് ഓ​ഫ് ഇ​ന്ത്യ​യി​ലെ സ്ഥ​ലം​മാ​റ്റ സ​ർ​ക്കു​ല​റി​നെ ചോ​ദ്യം ചെ​യ്ത് ഓ​ൾ ഇ​ന്ത്യ യൂ​നി​യ​ൻ ബാ​ങ്ക് ഓ​ഫി​സ​ർ സ്റ്റാ​ഫ് അ​സോ​സി​യേ​ഷ​ൻ സ​മ​ർ​പ്പി​ച്ച ഹ​ര​ജി പ​രി​ഗ​ണി​ക്കു​ന്ന​തി​നി​ടെ​യാ​ണ് കോ​ട​തി​യു​ടെ ശ്ര​ദ്ധേ​യ​മാ​യ നി​രീ​ക്ഷ​ണ​ങ്ങ​ൾ. സ്ഥ​ലം​മാ​റ്റ​ങ്ങ​ൾ യാ​ന്ത്രി​ക​മാ​യോ ഭാ​രം അ​ടി​ച്ചേ​ൽ​പ്പി​ക്കു​ന്ന രീ​തി​യി​ലോ ന​ട​പ്പാ​ക്കാ​നാ​കി​ല്ല. സ്ഥാ​പ​ന​ത്തി​ന്റെ ഭ​ര​ണ​പ​ര​മാ​യ ആ​വ​ശ്യ​ക​ത​ക്കും ജീ​വ​ന​ക്കാ​ര​ന്റെ ക്ഷേ​മ​ത്തി​നും ഇ​ട​യി​ൽ സ​ന്തു​ലി​താ​വ​സ്ഥ ​വേ​ണ​ം. പ്ര​ത്യേ​കി​ച്ച് വ​നി​താ ജീ​വ​ന​ക്കാ​രുടെ കാര്യത്തിൽ.

യൂ​നി​യ​ൻ ബാ​ങ്കി​ലെ സ്ഥ​ലം​മാ​റ്റ​വു​മാ​യി ബ​ന്ധ​പ്പെ​ട്ട മു​ഴു​വ​ൻ സ​ർ​ക്കു​ല​റു​ക​ളും റ​ദ്ദാ​ക്കാ​ൻ കോ​ട​തി ത​യാ​റാ​യി​ല്ല. അ​ത്ത​രം ന​യ​ങ്ങ​ൾ ജീ​വ​ന​ക്കാ​രെ, പ്ര​ത്യേ​കി​ച്ച് സ്ത്രീ​ക​ളെ ബാ​ധി​ക്കു​ന്നി​ല്ലെ​ന്ന് ഉ​റ​പ്പാ​ക്കാ​ൻ എ​ട്ടു നി​ർ​ദേ​ശ​ങ്ങ​ൾ പു​റ​പ്പെ​ടു​വി​ച്ചു.

സ്ഥ​ലം​മാ​റ്റു​ന്ന ജീ​വ​ന​ക്കാ​ർ​ക്കാ​യി കൗ​ൺ​സി​ലി​ങ് സെ​ന്റ​റു​ക​ളും ആ​രോ​ഗ്യ സം​ഘ​ത്തെ​യും സ​ജ്ജ​മാ​ക്കാ​ൻ നി​ർ​ദേ​ശി​ച്ചു. ജീ​വ​ന​ക്കാ​ര​ന് വീ​ട്ടി​ൽ ​പോ​കാ​ൻ പ്രോ​ത്സാ​ഹ​നം ന​ൽ​ക​ണം. അ​ച്ച​ട​ക്ക ന​ട​പ​ടി​യു​ടെ ഭീ​ഷ​ണി​യി​ല്ലാ​തെ കു​റ​ഞ്ഞ​ത് 20 ദി​വ​സ​ത്തെ ജോ​യി​നി​ങ് സ​മ​യം അ​നു​വ​ദി​ക്ക​ണ​ം. സ്ത്രീ​ക​ൾ​ക്ക് ഭൂ​രി​പ​ക്ഷ​മു​ള്ള പ​രാ​തി​പ​രി​ഹാ​ര സെ​ൽ സ്ഥാ​പി​ക്കണം. കേ​ന്ദ്ര സ​ർ​ക്കാ​റി​ന്റെ 2014ലെ​യും 2024ലെ​യും മാ​ർ​ഗ​നി​ർ​ദേ​ശ​ങ്ങ​ൾ പ​രി​ഗ​ണി​ക്ക​ണം. നി​ർ​ണാ​യ​ക​മാ​യ അ​ക്കാ​ദ​മി​ക് ഘ​ട്ട​ത്തി​ലു​ള്ള കു​ട്ടി​ക​ളു​ള്ള ജീ​വ​ന​ക്കാ​രെ സ്ഥ​ലം​മാ​റ്റ​ത്തി​ൽ​നി​ന്ന് ഒ​ഴി​വാ​ക്കു​ന്ന​ത് പ​രി​ഗ​ണി​ക്കണം.

സ്ഥ​ലം​മാ​റ്റ​പ്പെ​ട്ട ഉ​ദ്യോ​ഗ​സ്ഥ​രു​മാ​യി സം​സാ​രി​ക്കാ​ൻ ബാ​ങ്കി​നോ​ട് കോ​ട​തി ആ​വ​ശ്യ​പ്പെ​ട്ടു. അ​ത്ത​രം പ്ര​ശ്ന​ങ്ങ​ൾ ആ​വ​ർ​ത്തി​ക്കു​ന്ന​ത് ത​ട​യ​ണം. ഹ​ര​ജി​യി​ൽ പ​രാ​മ​ർ​ശി​ച്ച സ്ത്രീ​ക​ൾ​ക്കെ​തി​രാ​യ അ​ച്ച​ട​ക്ക ന​ട​പ​ടി​ പി​ൻ​വ​ലി​ക്കാ​നും കോ​ട​തി ആ​വ​ശ്യ​പ്പെ​ട്ടു.