തമിഴ്‌നാട്ടില്‍ ട്രക്കിംഗ് നടത്തുന്നതിനിടെ മലയാളി ഡോക്ടറിന് ദാരുണാന്ത്യം. തിരുവനന്തപുരം കല്ലമ്പലം സ്വദേശി അജ്‌സല്‍ ( 26 ) ആണ് മരിച്ചത്.
ആനമലൈ കടുവ സങ്കേതത്തില്‍ ട്രക്കിംഗ് നടത്തുന്നതിനിടെ ടോപ് സ്ലിപ്പില്‍ വെച്ച് അജ്‌സല്‍ കുഴഞ്ഞ് വീണ് മരിക്കുകയായിരുന്നു.
വനം വകുപ്പിന്റെ ആംബുലന്‍സില്‍ അടുത്തുള്ള പ്രാഥമികാരോഗ്യ കേന്ദ്രത്തില്‍ എത്തിച്ചെങ്കിലും ജീവന്‍ രക്ഷിക്കാനായില്ല. അജ്മലിന്റെ മരണത്തില്‍ ആനമലൈ പൊലീസ് കേസെടുത്തു.
