കണ്ണൂർ: നിരവധി തൊഴിൽ അവസരങ്ങളുമായി വിജ്ഞാന കേരളം മെഗാ തൊഴിൽ മേള 21 ശനിയാഴ്ച കണ്ണൂർ ഗവ. എൻജിനിയറിങ് കോളേജിൽ നടക്കും. 325 തൊഴിൽ വിഭാഗങ്ങളിൽ 35000-ത്തിൽ അധികം ഒഴിവ് കേരള നോളജ് ഇക്കോണമി മിഷന്റെ പോർട്ടലിൽ ഇതുവരെ റിപ്പോർട്ട് ചെയ്തിട്ടുണ്ട്. knowledgemission.kerala.gov.in പോർട്ടലിൽ അപേക്ഷകൾ നൽകണം. അവസാന തീയതി 18. പ്ലസ് ടു മുതൽ പി.ജി. വരെ യോഗ്യത ഉള്ളവർക്ക് അപേക്ഷിക്കാം.
ജർമനിയിലേക്ക് 1050 നഴ്സുമാരുടെ ഒഴിവിലേക്ക് മേളയിൽ റിക്രൂട്ട്മെന്റ് നടക്കും. പ്ലസ് ടു യോഗ്യത ഉള്ളവർക്ക് 64 വിഭാഗങ്ങളിലായി 3200 ൽ അധികം തൊഴിൽ അവസരങ്ങളും ഐടിഐ തുടങ്ങിയ സാങ്കേതിക പരിശീലനം നേടിയവർക്ക് 12,838 ഒഴിവുകളുമുണ്ട്.
സാങ്കേതിക ഡിപ്ലോമക്കാർക്ക് 6500-ൽ അധികം ഒഴിവുകളും ബിരുദധാരികൾക്ക് 8000-ൽ അധികം ഒഴിവുകളുണ്ട്. സാങ്കേതിക ഡിപ്ലോമക്കാർക്ക് 2600-ൽ അധികം ഒഴിവുകളിൽ വെർച്വൽ ജോബ് ഫെയറും നടത്തും. ഒരാൾക്ക് പരമാവധി 5 കമ്പനികളിലേക്ക് അപേക്ഷ സമർപ്പിക്കാം.