സംസ്ഥാനത്തെ പൊതുവിതരണ രംഗവുമായി ബന്ധപ്പെട്ട് പ്രവർത്തിക്കുന്ന റേഷൻ വ്യാപാരികൾ ഉൾപ്പെടെയുള്ളവരുമായി സമഗ്ര ചർച്ച നടത്തിയതിനു ശേഷം മാത്രമേ ഈ മേഖലയിൽ പരിഷ്‌കാരങ്ങൾ നടപ്പാക്കൂയെന്ന് ഭക്ഷ്യ മന്ത്രി ജി. ആർ. അനിൽ അറിയിച്ചു.
ഈ മേഖലയിലെ പ്രശ്‌നങ്ങൾ പഠിച്ച് റിപ്പോർട്ട് നൽകുന്നതിന് വകുപ്പ് ഒരു കമ്മിറ്റി രൂപീകരിച്ചിരുന്നു. നിയമസഭാ സമ്മേളനത്തിനു ശേഷം ഈ മേഖലയിലെ സംഘടനകളുമായി റിപ്പോർട്ടിൻമേൽ ചർച്ചകൾ നടക്കും. ഇതുമായി ബന്ധപ്പെട്ട് മാധ്യമങ്ങളിൽ വരുന്ന വാർത്തകൾ ആശങ്ക സൃഷ്ടിക്കാൻ മാത്രമേ ഉപകരിക്കൂയെന്ന് മന്ത്രി പറഞ്ഞു.
