കൊല്ലം കൊട്ടിയത്ത് നിര്മ്മാണം നടക്കുന്ന ദേശീയപാത ഇടിഞ്ഞു താഴ്ന്ന സംഭവത്തില് ജില്ലാ കളക്ടര് എന് ദേവീദാസിന്റെ അധ്യക്ഷതയില് ഇന്ന് യോഗം ചേരും. ദേശീയപാത അതോറിറ്റി റീജിയണല് ഓഫീസര്, പ്രോജക്ട് ഹെഡ് എന്നിവര് യോഗത്തില് പങ്കെടുക്കും. എന്എച്ച്എഐ അധികൃതരില് നിന്നും കളക്ടര് വിശദീകരണം തേടും. കൂടാതെ വിവിധ സര്ക്കാര് വകുപ്പുകളില് നിന്നുളള ഉദ്യോഗസ്ഥരും യോഗത്തില് പങ്കെടുക്കും. അപകടത്തിന്റെ കാരണം കണ്ടെത്താന് ദേശീയപാത അതോറിറ്റിയുടെ വിദഗ്ദ്ധ സംഘം ഉടന് സ്ഥലം സന്ദര്ശിക്കും. കരാര് കമ്പനിയായ ശിവാലയ കണ്സ്ട്രക്ഷനോട് എന്എച്ച്എഐ റിപ്പോര്ട്ട് തേടിയിരുന്നു.
ഇന്നലെ കൊട്ടിയം മൈലക്കാട് മണ്ണിടിഞ്ഞ് താഴ്ന്ന് സൈഡ് വാളും സര്വീസ് റോഡും തകര്ന്ന അപകടത്തില് നിന്ന് തലനാരിഴയ്ക്കാണ് സ്കൂള് കുട്ടികള് ഉള്പ്പടെയുള്ള വാഹനയാത്രക്കാര് രക്ഷപ്പെട്ടത്. ദേശീയപാത നിര്മ്മാണത്തിലെ അനാസ്ഥയാണ്അ പകടത്തിന് കാരണമെന്ന് നാട്ടുകാര് ആരോപിച്ചെങ്കിലും വീഴ്ചയില്ലെന്നായിരുന്നു ദേശീയപാത അതോറിറ്റിയുടെ മറുപടി.
